Samuel I, 23:12 - BAIBLO ALOO NGMAMI KLƆUKLƆU Ɔ

¹² David kpale bi lɛ ke, “Anɛ Keila bi ɔmɛ maa ngɔ imi, kɛ ye we bi ɔmɛ kɛ wo Saul dɛ mi lo?” Yawɛ he nɔ ke, “Ee, a maa pee ja.”

Samuel I, 23:12 ပူးပေါင်းရင်းမြစ်များ

La 118:8

E hi kaa o sa we ngɛ Yawɛ ngɔ, pe nɔ́ nɛ o maa ngɔ o hɛ kɛ fɔ nɔmlɔ nɔ.

La 143:8

Mɔtu ɔ, ha ma kai bɔ nɛ o mi mi hi ha; ejakaa o nɔ i ngɔɔ ye hɛ kɛ fɔɔ. Ha nɛ ma le he nɛ ma gu; ejakaa mo pɛ o nɔ i ngɔ ye hɛ kɛ fɔ.

La 31:8

O ngɔɛ mi kɛ wui he nyɛli a dɛ mi; o ha mi he jɔmi, nɛ i yaa he tsuaa he nɛ i suɔ.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

Yesaya 29:15

Musu tloo nihi nɛ hlaa kaa a maa ngɔ ga nɛ a to ngɛ a yi mi ɔ kɛ laa Yawɛ. A toɔ a ga amɛ ngɛ laami mi, nɛ a susuu kaa nɔ ko nɔ ko be mɛ nae, nɛ nɔ́ nɛ a ngɛ pee ɔ hu nɔ ko nɔ ko be lee.

Yeremia 11:18

Yawɛ ha nɛ i le kaa ye he nyɛli ɔmɛ so ngɔ wo ye he.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Manyadali 15:10

Yuda bi ɔmɛ bi mɛ ke, “Mɛni he je nyɛ ba tua wɔ ɔ?” Nɛ a he nɔ ke, “Wa ba Samson fimi nɛ wa ya pee lɛ kaa bɔ nɛ lɛ hu e pee wɔ ɔ.”

Samuel I, 23:11

Anɛ Keila bi ɔmɛ ma je mi kɛ wo e dɛ mi lo? Anɛ Saul maa ba niinɛ kaa bɔ nɛ o tsɔlɔ nu ɔ lo? Yawɛ Israel Mawu lee, i kpa mo pɛɛ nɛ o ha mi heto.” Yawɛ he nɔ ke, “Ee, Saul maa ba.”

Samuel I, 23:20

Nɛnɛ, be tsuaa be nɛ o suɔ ɔ, ba nɛ wa je lɛ kɛ wo o dɛ mi.”

Samuel I, 23:7

A ya bɔ Saul amaniɛ ke David ho Keila ya. Nɛ Saul de ke, “Mawu je lɛ ngɔ wo ye dɛ mi pɛ; ejakaa nɛ e ná ba sɛ ma nɛ a wo nya agbo kɛ e se dade mi nɛ ɔ, e sá lɛ nitsɛ e yi.”