Samuel I, 22:8 - BAIBLO ALOO NGMAMI KLƆUKLƆU Ɔ

⁸ loko nyɛ tsuo nyɛ so kɛ wo ye he kikɛ nɛ ɔ? Nɔ ko nɔ ko wo we ye tue nɔ kaa ye binyumu ɔ kɛ David so somi ko. Nɔ ko nɔ ko be nyɛ kpɛti nɛ ye sane dɔɔ lɛ, nɛ e ma wo ye tue nɔ kaa imi nitsɛ ye binyumu ha nɛ ye tsɔlɔ te si wo mi, nɛ mwɔnɛ ɔ, e ngɛ ye he blɔ hlae nɛ e gbe mi.”

Samuel I, 22:8 ပူးပေါင်းရင်းမြစ်များ

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel I, 23:21

Saul de mɛ ke, “Yawɛ maa gbaa nyɛ kaa nyɛ na mi mɔbɔ.

Hiob 33:16

Jamɛ a be ɔ, e bliɔ nimli adesahi a tue, konɛ a nu nɔ́ nɛ e ngɛ mɛ dee ɔ. Ke e bɔ mɛ kɔkɔ ɔ, a yeɔ gbeye.

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.

Samuel I, 20:8

Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”

Samuel I, 20:2

Yonatan he nɔ ke, “Dɛbi! O be gboe. Hyɛ, tsaatsɛ pee we nɔ́ ko nguaa, loo bɔbɔyoo nɛ e wo we ye tue nɔ ngɛ he. E be mi!”

Samuel I, 22:13

Saul bi lɛ ke, “Mɛni he je nɛ o kɛ Ishai binyumu ɔ nyɛ so wo ye he ɔ? Mɛni he je o ha lɛ niye ní, kɛ klaate, nɛ jehanɛ hu o bi Mawu ga womi ha lɛ ɔ? Amlɔ nɛ ɔ, e te si wo mi, nɛ e ngɛ ye he blɔ hlae nɛ e gbe mi!”

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Matsɛmɛ II, 6:11

Nɔ́ nɛ ɔ hao Siria matsɛ ɔ juɛmi; lɔ ɔ he ɔ, e tsɛ e tsɔli ɔmɛ nɛ e bi mɛ ke, “Nyɛ ti mɛnɔ lɛ ngɛ Israel matsɛ ɔ se? Anɛ nyɛ be mi dee lo?”