Samuel I, 22:7 - BAIBLO ALOO NGMAMI KLƆUKLƆU Ɔ

⁷ Kɛkɛ nɛ Saul de e tsɔli ɔmɛ ke, “Nyɛ Benyamin bi, nyɛɛ bu tue! Pe nyɛ susu kaa Ishai binyumu ɔ ma ha nyɛ ti nɔ tsuaa nɔ zugba kɛ wai ngmɔ, nɛ e maa pee nyɛ tsuo kulaa asafoatsɛmɛ ngɛ nihi akpehi kɛ lafahi a nya,

Samuel I, 22:7 ပူးပေါင်းရင်းမြစ်များ

Matsɛmɛ I, 12:16

Benɛ Israel ma a tsuo na kaa matsɛ ɔ bui mɛ tue ɔ, a de ke, “Mɛni blɔ nya wa ngɛ ngɛ David ngɔ? Wa be gbosi ní ngɛ Ishai binyumu ɔ ngɔ. Israel ma! Nɔ tsuaa nɔ nɛ pue lɛ nitsɛ e we mi blɔ! Nyɛ ha Rehoboam nɛ ya ye tsɛ ngɛ David we ɔ nɔ!” Kɛkɛ nɛ Israel ma a tsɔ atuã,

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel I, 25:10

Se Nabal he nɔ nɛ e de David tsɔli ɔmɛ ke, “Mɛnɔ ji jamɛ a David ɔ? Nɛ mɛnɔ hu ji Ishai binyumu nɛ ɔ? Ligbi etɛ nɛ ɔ mi ɔ, tsɔli nɛ tsɔ a nyɔmtsɛmɛ a hɛ mi atuã ba ngɛ hiɛe tsɔ.

Samuel I, 22:13

Saul bi lɛ ke, “Mɛni he je nɛ o kɛ Ishai binyumu ɔ nyɛ so wo ye he ɔ? Mɛni he je o ha lɛ niye ní, kɛ klaate, nɛ jehanɛ hu o bi Mawu ga womi ha lɛ ɔ? Amlɔ nɛ ɔ, e te si wo mi, nɛ e ngɛ ye he blɔ hlae nɛ e gbe mi!”

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.

Samuel I, 20:30

Jehanɛ Saul mi mi fu Yonatan wawɛɛ nitsɛ, nɛ e de lɛ ke, “Mo, yo ajuama kɛ atuã tsɔlɔ mi bi! O bu kaa i li kaa o ngɔ Ishai binyumu ɔ ngɔ pee o huɛ, nɛ o kɛ pue mo nitsɛ kɛ o nyɛ tsuo nyɛ hɛ mi si!

Samuel I, 20:27

E nɔ jena nɛ ji ligbi nɛ nyɛɛ Nyɔhiɔhe nyami be ɔ se ɔ, David blɔ he ɔ fɔɔ si ekohu. Kɛkɛ nɛ Saul bi Yonatan ke, “Mɛni he je Ishai binyumu ɔ ba yi ní hiɛ kɛ mwɔnɛ ɔ?”

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Samuel II, 18:1

Matsɛ David bua e we bi ɔmɛ a nya, nɛ e gba a mi kɛ wo kuuhi a mi, akpehi kɛ lafahi; nɛ e to tatsɛmɛ ngɛ a nya.

Kronika I, 12:16

Ligbi ko ɔ, Benyamin bi kpa komɛ kɛ Yuda bi komɛ ba David ngɔ ngɛ e tɛ puɔ ɔ mi.