Samuel I, 22:23 - BAIBLO ALOO NGMAMI KLƆUKLƆU Ɔ

²³ Moo hi ye ngɔ; koo ye gbeye, ejakaa nɔ nɛ ngɛ hlae nɛ e gbe mi ɔ ngɛ hlae nɛ e gbe mo hulɔ. Ke o ngɛ ye ngɔ ɔ, o yi ma na wami.”

Samuel I, 22:23 ပူးပေါင်းရင်းမြစ်များ

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Matsɛmɛ I, 1:7

E kɛ Zeruya binyumu Yoab, kɛ osɔfo Abiatar sɛɛ e yi mi tomi ɔ he ní, nɛ a kplɛɛ kaa a maa piɛ e he.

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Yohane 15:20

Nyɛ kai kaa i de nyɛ momo ke, ‘Nyɔguɛ pã we e nyɔmtsɛ.’ Nɛ́ a wa mi yi mi ɔ, nyɛɛ lɛɛ kɛ a maa pee nyɛ kɛɛ? Ke a bu mi tue ɔ, nyɛ hu a maa bu nyɛ tue.

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Yohane 18:9

E de enɛ ɔ, konɛ munyu ɔ nɛ e tu ke, “Tsaatsɛ, nihi nɛ o tu ngɔ wo ye dɛ mi ɔ, i ha we nɛ a ti nɔ kake ngmelu po hɛ mi nɛ kpata” a, nɛ ba mi.

Samuel I, 23:17

E de David ke, “Koo ye gbeye, ejakaa tsaatsɛ Saul nine be o nɔ sue. E le kaa mo lɛ o ma ba ye matsɛ ngɛ Israel, nɛ ma pee o se yelɔ.”