Samuel I, 22:2 - BAIBLO ALOO NGMAMI KLƆUKLƆU Ɔ

² Ni kpa komɛ hu ba piɛ David he. Mɛ ji nihi nɛ a ngɛ mɛ yi mi wae, nihi nɛ hɛɛ hiɔ, kɛ ni nɛmɛ nɛ a pee mɛ nidɔ níhi, nɛ David pee a nyatsɛ. Nihi nɛ nyɛɛ e se ɔ a yibɔ maa pee lafa eywiɛ.

Samuel I, 22:2 ပူးပေါင်းရင်းမြစ်များ

Samuel II, 17:8

Hushai ya nɔ nɛ e de ke, “Mo nitsɛ o le kaa o tsɛ kɛ e we bi ɔmɛ ɔ, katsɛmɛ ji mɛ, nɛ a hɛ mi pee klamaklama kaa osisiblisi nɛ nɔ ko ya muɔ e bimɛ ngɛ nga nɔ. Jehanɛ se hu, o tsɛ ɔ, ta bulɔ kpanaa ji lɛ; e hí e we bi a kpɛti nyɔ mi.

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Matsɛmɛ II, 20:5

e kpale e se nɛ e ya de Hezekia, Yawɛ ma a ganɔ ɔ ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Hyɛ, ma tsa mo, nɛ hiɛmɛ nɛ ɔ ligbi etɛ ɔ, o maa nyɛɛ kɛ ya Yawɛ we ɔ.

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Abɛ Womi 31:6

Nyɛ ha ni nɛmɛ nɛ a hɛ mi miɔ nɛ e ma kpata a dã nɛ nya wa nɛ a nu; nɛ nyɛ ha ni nɛmɛ nɛ aywilɛho nu mɛ ɔ hu wai.

Mateo 11:12

Kɛ je be mi nɛ Yohane nɔ sɔlelɔ ɔ bɔni fiɛmi kɛ ba si mwɔnɛ ligbi nɛ ɔ, hiɔwe matsɛ yemi ɔ na nɔ́ wawɛɛ nitsɛ; nɛ yiwutsotsɛmɛ hlaa kaa a maa ngɔ pani nya.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Hebribi 2:10

Nɛ e sa hu kaa Mawu nɛ bɔ níhi tsuo, nɛ́ lɛ nɔuu lɛ e ha nɛ ní ɔmɛ tsuo ngɛ ɔ, e ha a yi wami hemi sisi jelɔ ɔ nɛ ba na amanehlu, nɛ e kɛ dla lɛ kɛ pi si, konɛ e wo bimɛ babauu a hɛ mi nyami.

Manyadali 11:3

Enɛ ɔ he ɔ, Yefta tu fo kɛ je e nyɛmimɛ ɔmɛ a he, nɛ e ya hi Tob zugba a nɔ. Yakayaka nimli komɛ ho nɛ a ya piɛ e he ngɛ lejɛ ɔ; nɛ ke pee ɔ, e kɛ mɛ yaa nɛ a ya fiaa nihi ojo.

Manyadali 18:25

Dan bi ɔmɛ de lɛ ke, “Ke o hla we nɛ nimli nɛ ɔmɛ a muklii mi nɛ fu, nɛ a kpata o kɛ o we bi ɔmɛ tsuo nyɛ hɛ mi ɔ, lɛɛ moo pee kɔ̃.”

Samuel I, 22:3

David je lejɛ ɔ kɛ ho Mizpa ya ngɛ Moab, nɛ e ya de Moab matsɛ ɔ ke, “I kpa mo pɛɛ, ha nɛ tsaatsɛ kɛ maa nɛ a ba hi nyɛ ngɔ kɛ yaa si ma le nɔ́ nɛ Mawu maa pee ha mi.”

Samuel I, 23:13

Lɔ ɔ he ɔ, David kɛ e we bi maa pee lafa ekpa a je Keila nɔuu, nɛ a bɔni lalaalo womi kɛ ngɛ nyɛɛe kɛ ngɛ bee. Benɛ Saul nu kaa David tu fo kɛ je Keila a, e yɛ lejɛ ɔ hu.

Samuel I, 25:13

Kɛkɛ nɛ David de e we bi ɔmɛ ke, “Nyɛ ti nɔ tsuaa nɔ nɛ fi e klaate!” Nɛ a pee ja. David hu fi e klaate ɔ, nɛ e kɛ nyumuhi maa pee lafa eywiɛ hia kɛ je lejɛ ɔ, nɛ a si nihi lafa enyɔ ngɛ tlomi ɔmɛ a he.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”