Samuel I, 22:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ he ɔ, matsɛ ɔ de Doeg ke, “Moo gbe mɛ!” Nɛ Doeg, Edom no ɔ gbe osɔfohi nɛ a woɔ efɔd ɔ nyingmi kpaanyɔ kɛ enuɔ sɔuu jamɛ a ligbi ɔ.

Samuel I, 22:18 ပူးပေါင်းရင်းမြစ်များ

Kronika II, 24:21

Matsɛ Yoash kɛ ma a so ngɔ wo Zakaria he, nɛ matsɛ ɔ fa mɛ nɛ a ya fia Zakaria tɛ ngɛ Yawɛ we ɔ kue ɔ mi.

La 78:64

Osɔfo ɔmɛ gbo ngɛ klaate nya, nɛ a yalɔyi ɔmɛ yi kɔmɔ ha mɛ.

Mose II, 28:40

“Jehanɛ, Aaron bimɛ ɔmɛ hu o kpɛ hiɔwe tadehi, kɛ mi mi fimi níhi, kɛ pɛɛhi ha mɛ nɛ e sa mɛ, nɛ bu nɛ hi a he.

Abɛ Womi 24:15

Koo pee o ní kaa yiwutsotsɛmɛ nɛ woɔ nimli kpakpahi ka nɛ a ngɔɔ a níhi, aloo a kpɔɔ a wehi ngɛ a dɛ pani nya.

Hosea 5:11

Israel ngɛ nɔ́ nae; a gbla e tue wawɛɛ, ejakaa e ya nyɛɛ yakayaka níhi a se.

Hosea 7:3

Yawɛ ke, “Nihi toɔ ga yayahi nɛ a kɛ sisiɔ matsɛ ɔ kɛ e nimeli ɔmɛ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 2:28

Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Samuel I, 2:36

Nɛ ni nɛmɛ nɛ maa piɛ ngɛ o we ɔ mi ɔ, ja a ya jamɛ a osɔfo ɔ ngɔ nɛ a ya ba sika, loo niye ní; aloo ja a ya kpa pɛɛ kaa a ngmɛ mɛ blɔ nɛ a piɛ osɔfo ɔmɛ a he kɛ tsu ní, loko a ma na a nya mi ngma!”