Samuel I, 22:17 - BAIBLO ALOO NGMAMI KLƆUKLƆU Ɔ

¹⁷ Nɛ matsɛ ɔ de e he buli nɛ daa si ngɛ e kasa nya a ke, “Nyɛɛ gbe Yawɛ osɔfo ɔmɛ, ejakaa a kɛ David so; a le e fo tumi ɔ he nɔ́ ko, se a wo we ye tue nɔ.” Se matsɛ tsɔli ɔmɛ kplɛɛ we kaa a ma wo a nine nɔ ngɛ Yawɛ osɔfo ɔmɛ a nɔ nɛ a gbe mɛ.

Samuel I, 22:17 ပူးပေါင်းရင်းမြစ်များ

Mose II, 1:17

Se fɔliyi ɔmɛ yee Mawu gbeye; a gbi binyumuwi ɔmɛ kaa bɔ nɛ Egipt matsɛ ɔ fa mɛ ɔ; mohu ɔ, a baa a yi.

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Ni Tsumi 4:19

Se Petro kɛ Yohane he nɔ nɛ a de mɛ ke, “Ke e da blɔ ngɛ Mawu hɛ mi kaa a bu nyɛ mohu tue pe Mawu ɔ, nyɛɛ kojo.

Matsɛmɛ II, 10:25

Benɛ a dla bɔ sami ní ɔmɛ ta a, Yehu de buli ɔmɛ, kɛ asafoatsɛmɛ ɔmɛ ke, “Nyɛɛ ya nɛ nyɛ ya gbe mɛ tsuo; nyɛ ko ha nɛ nɔ ko nɛ je kpo!” Kɛkɛ nɛ buli ɔmɛ, kɛ asafoatsɛmɛ ɔmɛ kɛ klaate gbe ni ɔmɛ, nɛ a sake mɛ kɛ pue kpo ɔ nɔ. Lɔ ɔ se ɔ, a ya sɛ Baal wɔ tsu ɔ mi,

Matsɛmɛ I, 18:4

Benɛ Yezebel ngɛ Yawɛ gbali ɔmɛ gbee ɔ, Obadia ngɔ gbali lafa ngɔ laa ngɛ tɛ puɔhi a mi, nɛ e ha mɛ niye ní kɛ nyu; gbali nyingmi enuɔ ngɛ kuu kake mi, nɛ nyingmi enuɔ hu ngɛ kuu kake mi).

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

Samuel II, 15:1

Enɛ ɔ se ɔ, Absalom ba na lɛ nitsɛ e ta zugba lɛ kɛ e he okpɔngɔhi, kɛ nyumuhi nyingmi enuɔ nɛ maa hi fo tue ngɛ e hɛ mi.

Samuel I, 25:17

Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Samuel I, 22:13

Saul bi lɛ ke, “Mɛni he je nɛ o kɛ Ishai binyumu ɔ nyɛ so wo ye he ɔ? Mɛni he je o ha lɛ niye ní, kɛ klaate, nɛ jehanɛ hu o bi Mawu ga womi ha lɛ ɔ? Amlɔ nɛ ɔ, e te si wo mi, nɛ e ngɛ ye he blɔ hlae nɛ e gbe mi!”

Samuel I, 20:33

Kɛkɛ nɛ Saul fɔ e we akplɔ ɔ, konɛ e kɛ gbe Yonatan. Nɛ Yonatan kɛ yɔse kaa e tsɛ muɔ e yi mi kpɔ kaa e maa gbe David.

Samuel I, 8:11

E de mɛ ke, “Matsɛ ɔ nɛ ma ba ye nyɛ nɔ ɔ, bɔ nɛ e maa pee nyɛ ji nɛ ɔ nɛ. E maa ngɔ nyɛ binyumu ɔmɛ ngɔ pee e ta buli; ni komɛ maa hi e ta zugba lɛ ɔmɛ a mi, ni komɛ maa hi e ta okpɔngɔ ɔmɛ a nɔ, nɛ ni komɛ hu maa hi fo tue ngɛ ta zugba lɛ ɔmɛ a hɛ mi.

Samuel I, 2:31

Bu tue, be ma nɛ ma kpata nihewi nɛ ngɛ o we ɔ, kɛ o weku ɔ mi tsuo a hɛ mi, nɛ nɔmoyo ko be o we ɔ mi hie hu.

Samuel I, 22:16

Matsɛ ɔ de ke, “Mo Ahimelek, ja o gbo; mo, kɛ o weku li tsuo.”

Matsɛmɛ I, 14:27

Matsɛ Rehoboam pee akɔblee tsɛ̃ihi kɛ to a nane mi, nɛ e ngɔ mɛ ngɔ wo matsɛ we agbo nya buli ɔmɛ a nyatsɛmɛ ɔmɛ a dɛ.