Samuel I, 22:10 - BAIBLO ALOO NGMAMI KLƆUKLƆU Ɔ

¹⁰ Ahimelek bi Yawɛ ga womi ha David. Lɔ ɔ se ɔ, e ha lɛ ní, nɛ e ngɔ Goliat, Filisti no ɔ klaate ɔ hu ngɔ ha lɛ.”

Samuel I, 22:10 ပူးပေါင်းရင်းမြစ်များ

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”

Samuel I, 21:10

Jamɛ a ligbi ɔ, David tu fo kɛ je Saul he kɛ ho Gat matsɛ, Akish ngɔ ya.

Samuel I, 22:11

Lɔ ɔ he ɔ, Matsɛ Saul tsɔ nɛ a ya tsɛ osɔfo Ahimelek, Ahitub binyumu ɔ, kɛ e weku li nɛ ji osɔfohi nɛ ngɛ Nob ɔ tsuo kulaa kɛ ba.

Samuel I, 22:13

Saul bi lɛ ke, “Mɛni he je nɛ o kɛ Ishai binyumu ɔ nyɛ so wo ye he ɔ? Mɛni he je o ha lɛ niye ní, kɛ klaate, nɛ jehanɛ hu o bi Mawu ga womi ha lɛ ɔ? Amlɔ nɛ ɔ, e te si wo mi, nɛ e ngɛ ye he blɔ hlae nɛ e gbe mi!”

Samuel I, 22:15

Anɛ mwɔnɛ ɔ nɛ i bɔni Mawu ga womi bimi kɛ lɛ hami lo? Dɛbi! Nɛnɛ, koo po sane ngɔ fɔ o tsɔlɔ, loo o tsɔlɔ weku li a nɔ; ejakaa i li nɔ́ nɛ ɔ he nɔ ko kulaa.”

Samuel I, 23:12

David kpale bi lɛ ke, “Anɛ Keila bi ɔmɛ maa ngɔ imi, kɛ ye we bi ɔmɛ kɛ wo Saul dɛ mi lo?” Yawɛ he nɔ ke, “Ee, a maa pee ja.”

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 23:4

Lɔ ɔ he ɔ, David kpale bi Yawɛ ga womi ekohu. Nɛ Yawɛ de lɛ ke, “Yaa nɛ o ya tua Keila; ejakaa ma ngɔ Filisti bi ɔmɛ kɛ wo o dɛ mi.”

Samuel I, 30:8

David bi Yawɛ ke, “Ma nyɛɛ ní hali ɔmɛ a se lo? Anɛ ye nine maa su a nɔ lo?” Yawɛ he nɔ ke, “Ee, moo nyɛɛ a se; ejakaa o ma ya na mɛ, nɛ bɔ tsuaa bɔ nɛ pee ɔ, o ma kpɔ ni ɔmɛ.”