Samuel I, 21:8 - BAIBLO ALOO NGMAMI KLƆUKLƆU Ɔ

⁸ David bi Ahimelek ke, “O be akplɔ, loo klaate ko ngɛ hiɛ ɔ lo? Matsɛ tsɔmi ɔ he esɔ nɛ i ngɛ yee ɔ ha nɛ i je ye klaate kɛ ta hwumi ní kpa amɛ a he.”

Samuel I, 21:8 ပူးပေါင်းရင်းမြစ်များ

Ester 8:14

Kaa bɔ nɛ matsɛ ɔ fa a, tsɔli nɛ a he sɔɔ kuɔ okpɔngɔhi esɔesɔ kɛ ho ma amɛ a nɔ ya. A fiɛ mlaa nɛ ɔ ngɛ matsɛ ma Susa a hulɔ.

Luka 10:4

Nyɛ ko hɛɛ sika kpɛɛ, loo ní balɔ kotoku, loo tokota; nyɛ ko puɛ be kɛ hi nihi ngae ngɛ blɔ ɔ nɔ.

Samuel I, 21:7

Jamɛ a ligbi ɔ, Saul tsɔli ɔmɛ a ti nɔ kake ngɛ lejɛ ɔ nɛ a tsi e nya ngɛ Yawɛ hɛ mi. E biɛ ji Doeg; e je Edom, nɛ Saul lohwehi a hyɛli ɔmɛ a nɔkɔtɔma ji lɛ.

Samuel I, 21:9

Osɔfo ɔ he nɔ ke, “Goliat, Filisti no ɔ nɛ o gbe ngɛ Ela kɔ̃ ɔ mi ɔ, e klaate ɔ fɔɔ si ngɛ efɔd ɔ se nɛ a ha he bo. Ke o suɔ ɔ, ngɔɔ; ejakaa klaate kpa ko be hiɛ ɔ hu.” David de ke, “Ngɔɔ lɛ ha mi; klaate ko be nɛ hi kɛ lɛ sɔ.”

Samuel I, 22:22

David de lɛ ke, “Benɛ i na Doeg, Edom no ɔ ngɛ lejɛ ɔ jamɛ a ligbi ɔ, i le kaa bɔ tsuaa bɔ nɛ pee ɔ, e ma ya de Saul. Lɔ ɔ he ɔ, imi lɛ i kɛ gbenɔ ba o weku li ɔmɛ tsuo a nɔ ɔ nɛ.

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.