Samuel I, 21:7 - BAIBLO ALOO NGMAMI KLƆUKLƆU Ɔ

⁷ Jamɛ a ligbi ɔ, Saul tsɔli ɔmɛ a ti nɔ kake ngɛ lejɛ ɔ nɛ a tsi e nya ngɛ Yawɛ hɛ mi. E biɛ ji Doeg; e je Edom, nɛ Saul lohwehi a hyɛli ɔmɛ a nɔkɔtɔma ji lɛ.

Samuel I, 21:7 ပူးပေါင်းရင်းမြစ်များ

Mose I, 26:20

Se Gerar to hyɛli ɔmɛ, kɛ Isak to hyɛli ɔmɛ pɛ, nɛ a de mɛ ke, “Nyu nɛ ɔ, wa nɔ́.” Enɛ ɔ he je ɔ, Isak wo vu ɔ biɛ ke Esek, ejakaa a kɛ lɛ pɛ ngɛ he.

Kronika II, 26:10

E ma mɔhi ngɛ nga a nɔ hulɔ, nɛ e tsua vuhi fuu, ejakaa e ngɛ lohwehi babauu ngɛ kɔ̃ ɔ mi, kɛ nga a nɔ. Akɛnɛ e suɔ humi he je ɔ, e wo e ma mi bi ɔmɛ he wami, nɛ a hu wai ngmɔhi ngɛ yoku ɔmɛ a nɔ, kɛ kɔ̃ ɔmɛ a mi.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Mose III, 22:10

“Nɔ ko nɛ ji osɔfo weku mi ɔ, e ko ye ní klɔuklɔu ɔ eko. Osɔfo we nubwɔ, loo e we apaatsɛ po e ko ye ní klɔuklɔu ɔ eko.

Mose III, 22:13

Se ke osɔfo ɔ biyo ya pee yalɔyo, loo e gba puɛ nɛ e be bi, nɛ e kpale kɛ ba e tsɛ we mi, nɛ e tsɛ ɔ ngɛ e nɔ hyɛe kaa sa a, e ma nyɛ maa ye e tsɛ ní ɔ eko. Nɔ ko nɛ ji osɔfo weku mi be he blɔ nɛ e yeɔ eko.

Mose III, 24:5

Ngɔɔ mamu bukɔbukɔ kilo nyɔngma kɛ enyɔ kɛ sã abolo bɔbɔɛ nyɔngma kɛ enyɔ.

Mose III, 24:8

Daa Hejɔɔmi ligbi ɔ, Aaron nɛ da Israel bi ɔmɛ a nane mi, nɛ e ngɔ abolo ɔ kɛ ma Yawɛ hɛ mi. Enɛ ɔ maa pee Israel bi ɔmɛ a ní tsumi kɛ yaa neneene.

Amos 8:5

Nyɛ biɔ nyɛ sibi ke, “Mɛni be Nyɔhiɔhe nyami be ɔ maa ta nɛ waa jua blɛfo? Mɛni be Hejɔɔmi ligbi ɔ maa be, nɛ wa bɔni ngma juami ekohu?” Nyɛ yaa nɔ nɛ nyɛ deɔ ke, “Wa ma tsake wa sɛni tɛ ɔmɛ, kɛ ní juami ní kpa amɛ, nɛ wa maa sisi ni nɛmɛ nɛ waa kɛ mɛ yeɔ jua a.

Mateo 15:8

‘Nimli nɛ ɔmɛ ɔ, a nya mi munyu kɛkɛ a kɛ woɔ ye hɛ mi nyami; se a tsui mi lɛɛ, a sume mi saasaa.

Samuel I, 11:5

Se benɛ a maa hyɛ ɔ, Saul ji nɛ ɔ nɛ e nyɛɛ e nahi a se kɛ je ngmɔ mi kɛ ma. Saul bi ke, “Mɛni ba loko ma a tsuo wo yana kikɛ nɛ ɔ?” A de lɛ sɛ gbi nɛ tsɔli ɔmɛ hɛɛ kɛ je Yabesh kɛ ba a.

Samuel I, 14:47

Benɛ Saul ye Israel nɔ matsɛ ɔ, e kɛ he nyɛli tsuo nɛ bɔle lɛ kɛ kpe ɔ hwu ta: mɛ ji Moab bi, Amon bi, Edom bi, Zoba matsɛmɛ ɔmɛ, kɛ Filisti bi. Nɛ he tsuaa he nɛ e ma gba ta kɛ gu ɔ, e yeɔ kunimi.

Samuel I, 21:8

David bi Ahimelek ke, “O be akplɔ, loo klaate ko ngɛ hiɛ ɔ lo? Matsɛ tsɔmi ɔ he esɔ nɛ i ngɛ yee ɔ ha nɛ i je ye klaate kɛ ta hwumi ní kpa amɛ a he.”

Samuel I, 22:10

Ahimelek bi Yawɛ ga womi ha David. Lɔ ɔ se ɔ, e ha lɛ ní, nɛ e ngɔ Goliat, Filisti no ɔ klaate ɔ hu ngɔ ha lɛ.”

Samuel I, 22:22

David de lɛ ke, “Benɛ i na Doeg, Edom no ɔ ngɛ lejɛ ɔ jamɛ a ligbi ɔ, i le kaa bɔ tsuaa bɔ nɛ pee ɔ, e ma ya de Saul. Lɔ ɔ he ɔ, imi lɛ i kɛ gbenɔ ba o weku li ɔmɛ tsuo a nɔ ɔ nɛ.

Samuel I, 22:9

Kɛkɛ nɛ Doeg, Edom no ɔ nɛ lɛ hu e daa si ngɛ Saul tsɔli ɔmɛ a kasa nya a, he nɔ nɛ e de ke, “I na Ishai binyumu ɔ benɛ e ba Ahitub binyumu Ahimelek ngɔ ngɛ Nob.