Samuel I, 21:11 - BAIBLO ALOO NGMAMI KLƆUKLƆU Ɔ

¹¹ Akish tsɔli ɔmɛ ya de Akish ke, “Anɛ pi David, zugba a nɔ matsɛ ɔ ji nɛ ɔ lo? Anɛ yihi la we nɛ a do, nɛ a de ngɛ e he ke, ‘Saul gbe akpehi, se David gbe akpe nyɔngmahi lo?’ ”

Samuel I, 21:11 ပူးပေါင်းရင်းမြစ်များ

Samuel I, 29:5

David ɔ, nɔ nɛ he nɛ yi ɔmɛ do, nɛ a la ke, ‘Saul gbe akpehi, se David gbe akpe nyɔngmahi’ ɔ, pi lɛ ji nɛ ɔ?”

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 19:18

David tu fo kɛ ho Samuel ngɔ ya ngɛ Rama, nɛ e ya bɔ lɛ nɔ́ nɛ Saul pee lɛ ɔ tsuo pɛpɛɛpɛ. David kɛ Samuel ho Nayot ya, nɛ a ya hi lejɛ ɔ.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Samuel I, 27:2

Lɔ ɔ he ɔ, David kɛ e ta buli lafa ekpa amɛ pue nɔ kɛ ho Maok binyumu Akish nɛ ji Gat matsɛ ɔ ngɔ ya.

La 34:1

Ma na Yawɛ si daa; ma la kɛ je e yi be tsuaa be.