Samuel I, 20:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”

Samuel I, 20:8 ပူးပေါင်းရင်းမြစ်များ

Samuel II, 14:32

Absalom he nɔ ke, “Ejakaa i tsɔ ba tsɛ mo, nɛ o bɛ. Jinɛ i ngɛ hlae nɛ ma tsɔ mo matsɛ ɔ ngɔ nɛ o ya bi lɛ ha mi ke, ‘Mɛni he je i je Geshur kɛ ba hiɛ ɔ? Kaa i ngɛ lejɛ ɔ mohu kɛ ba si piɔ jinɛ i ko suɔ.’ ” Absalom ya nɔ nɛ e de ke, “I suɔ nɛ o ya sɛ mi matsɛ ɔ ngɔ; nɛ ke e ba mi kaa i ye fɔ ɔ, lɛɛ e gbe mi.”

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 20:16

ko ha Yonatan biɛ nɛ e laa ngɛ David weku ɔ mi. Ke o pee ja a, Yawɛ kɛ mo maa ye.”

Ni Tsumi 25:11

Ke i ye sane yaya ko, nɛ i pee nɔ́ nɛ sa gbenɔ ɔ, i de we ke a ngmɛɛ ye he. Se ke sanehi nɛ ni nɛ ɔmɛ ngɔ kɛ ngɛ ye nya poe nɛ ɔ be mi ɔ, nɔ ko be nyɛe maa ngɔ mi ngɔ wo a dɛ mi. I suɔ kaa Kaisare ɔ nitsɛ nɛ ye ye sane ɔ.”

Abɛ Womi 3:3

Koo ngmɛɛ si himi kpakpa, kɛ anɔkuale yemi he. Fi kɛ wo o kuɛ, nɛ o ngma kɛ fɔ o tsui nɔ.

La 116:11

Benɛ ye tsui po hu i de ke, “E sɛ kaa a ngɔɔ hɛ kɛ fɔɔ nɔmlɔ adesa ko kulaa nɔ.”

Kronika I, 12:17

David kɛ mɛ ba kpe, nɛ e de mɛ ke, “Ke nyɛ ba ye ngɔ kaa huɛmɛ nɛ ma ye he piɛmi ɔ, i ngɛ nyɛ baba hee hae kɛ je ye tsui mi. Se ke nyɛ ba nɛ nyɛ ba hyɛ ye sihi he, nɛ lɔ ɔ se nyɛ ya tsɔɔ ye se blɔ ngɔ ha ye he nyɛli, be mi nɛ i pee we yayami ko ɔ, lɛɛ wa nɛmɛ ɔmɛ a Mawu ɔ nɛ hyɛ nɛ e wo nyɛ hiɔ.”

Rut Womi 1:8

Naomi de e nganyɛmɛ enyɔ ɔmɛ ke, “Nyɛɛ kpale nyɛ se nɛ nɔ tsuaa nɔ nɛ ho e nyɛ ngɔ ya. I kpa Yawɛ pɛɛ nɛ e na nyɛ mɔbɔ ngɛ si himi kpakpa nɛ nyɛɛ kɛ mi, kɛ nihi nɛ si wɔ ɔ hi ɔ he.

Yoshua 22:22

“Yawɛ, Mawu Ope! Yawɛ Mawu Ope! Lɛ pɛ nɛ e le nɔ́ he je nɛ wa pee enɛ ɔ, nɛ wa suɔ kaa nyɛ hu nyɛɛ le! Ke wa tsɔ atuã, nɛ wa yi Yawɛ anɔkuale ɔ, lɛɛ nyɛɛ gbe wɔ!

Yoshua 2:14

Slaali ɔmɛ de yo ɔ ke, “Wa ngɛ mo kita kae kaa ke o ya tsɔɔ we wa se blɔ, nɛ Yawɛ ha wa nine su zugba a nɔ ɔ, wa maa na mo mɔbɔ, nɛ wa maa ye wa si womi ɔ nɔ.”

Mose I, 47:29

Benɛ Yakob gbenɔ be su ɔ, e tsɛ e bi Yosef, nɛ e de lɛ ke, “Ke o suɔ nɛ o sa ye hɛ mi ɔ, ngɔɔ o nine kɛ wo ye fiɔ enyɔ ɔmɛ a kpɛ, nɛ o ka mi kita kaa o maa ye mi anɔkuale, nɛ o be mi pue ngɛ Egipt zugba a nɔ.

Mose I, 24:49

Lɔ ɔ he ɔ, i ngɛ nyɛ bie ke, anɛ nyɛ ma je nyɛ suɔmi kpo kɛ ha ye nyɔmtsɛ ɔ lo? Ke nyɛ maa pee ja jio, nyɛ be ja pee jio, nyɛ de mi, konɛ ma na he nɛ ma gu.”

Samuel I, 20:9

Se Yonatan de ke, “Nɔ́ nɛ ɔ nɛ ko ba o juɛmi mi kulaa! Ke i le kaa tsaatsɛ to kaa e maa pee mo yayami ko ɔ, i ko de we mo lo?”

Samuel I, 18:1

Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.