Samuel I, 20:6 - BAIBLO ALOO NGMAMI KLƆUKLƆU Ɔ

⁶ Ke o tsɛ bi ye si ɔ, de lɛ ke, ‘David bi mi blɔ wawɛɛ ke e maa po e he bɔɔ kɛ ya e ma mi ngɛ Betlehem nɛ e ba; ejakaa a ngɛ jeha bɔ sãe ngɛ lejɛ ɔ kɛ ha weku ɔ tsuo.’

Samuel I, 20:6 ပူးပေါင်းရင်းမြစ်များ

Yohane 7:42

Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Mose V, 12:5

Yawɛ, nyɛ Mawu ɔ maa hla he kake ngɛ nyɛ wɛtso ɔmɛ tsuo a mi, nɛ e maa ngɔ e biɛ kɛ wo lejɛ ɔ kaa e si himi he nɛ a ja lɛ ngɛ.

Samuel I, 17:58

Saul bi lɛ ke, “Niheyo, mɛnɔ bi ji mo?” Nɛ David ha heto ke, “O tsɔlɔ Ishai, Betlehem no ɔ bi ji mi.”

Samuel I, 20:28

Yonatan he nɔ ke, “David bi mi blɔ wawɛɛ ke ma ngmɛ lɛ blɔ nɛ e ya Betlehem.

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”