Samuel I, 20:30 - BAIBLO ALOO NGMAMI KLƆUKLƆU Ɔ

³⁰ Jehanɛ Saul mi mi fu Yonatan wawɛɛ nitsɛ, nɛ e de lɛ ke, “Mo, yo ajuama kɛ atuã tsɔlɔ mi bi! O bu kaa i li kaa o ngɔ Ishai binyumu ɔ ngɔ pee o huɛ, nɛ o kɛ pue mo nitsɛ kɛ o nyɛ tsuo nyɛ hɛ mi si!

Samuel I, 20:30 ပူးပေါင်းရင်းမြစ်များ

Abɛ Womi 21:24

Nɔ nɛ woɔ e he nɔ, nɛ e tsɔɔ e he, nɛ e peeɔ pupuupu ɔ, e bui nɔ́.

Efesobi 6:4

Fɔli, nyɛ ko wo nyɛ bimɛ ɔmɛ a mi mi la; se mohu nyɛ tsɔse mɛ, nɛ nyɛɛ wo mɛ ga kpakpa nɛ maa sa Kristo hɛ mi.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Abɛ Womi 27:3

Tɛ jiɔ, nɛ zia hu jiɔ; se haomi nɛ kuasia we abofu kɛ baa a nya wa. Ke a ke a maa ngmɛ ɔ, tɛ kɛ zia a jiimi ɔ po pi nɔ́ ko kulaa nɛ a kɛ maa to he.

Abɛ Womi 25:28

Nɔ nɛ nyɛ we e he nɔ nɛ e ye ɔ, e ngɛ kaa ma nɛ a ba tua lɛ, nɛ a ku e gbogbo ɔmɛ kɛ pue si.

Abɛ Womi 19:19

Ngmɛɛ mi mi latsɛ he nɛ e ná e tue gblami; ejakaa ke o je lɛ kɛ je haomi mi si kake ɔ, e maa hia kaa o ya je lɛ ngɛ mi ekohu.

Abɛ Womi 19:12

Ke matsɛ mi mi wo la a, e ngɛ kaa jata nɛ ngɛ huae; se ke e ná nɔ he bua jɔmi ɔ, e ngɛ kaa bɔ́ ngɛ nga nɔ.

Abɛ Womi 15:2

Ní leli a ní sɛɛmi ngɔɔ ngɛ tue mi; kuasiahi lɛɛ munyu nɛ jeɔ a nya mi ɔ, juɛmi be mi.

Abɛ Womi 14:29

Nɔ nɛ mi mi fu we mla a, ní lelɔ agbo ji lɛ. Nɔ nɛ be tsui ɔ, e jeɔ kuasia.

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

Samuel I, 20:29

E ke, ‘I kpa mo pɛɛ nɛ o ha ma ya, ejakaa wa weku ɔ ngɛ bɔ sãe ngɛ ma a mi, nɛ ye nyɛminyumu ɔmɛ sɛ ba de mi ke ma ba dãã. Lɔ ɔ he ɔ, ke o suɔ mi ɔ, ha ma ya nɛ ma ya na ye nyɛmimɛ ɔmɛ.’ Nɔ́ nɛ he je nɛ e bɛ matsɛ ɔ okplɔɔ he ɔ ji nɛ ɔ nɛ.”

Samuel I, 20:31

Anɛ o li kaa ligbi abɔ nɛ David ngɛ je mi ɔ, o be matsɛ yee gblegbleegble ngɛ zugba nɛ ɔ nɔ lo? Yaa nɛ o ya ngɔ lɛ kɛ ba hiɛ ɔ; ja e gbo!”