Samuel I, 20:3 - BAIBLO ALOO NGMAMI KLƆUKLƆU Ɔ

³ Se David he nɔ ke, “O tsɛ le saminya kaa o suɔ ye sane; lɔ ɔ he ɔ, e pee e juɛmi kaa e be hae nɛ o le nɔ́ nɛ ɔ, bɔ nɛ pee nɛ e ko hao mo. Se anɔkuale, i na Yawɛ hɛ kalɔ ɔ kaa nane hiami kake pɛ lɛ ngɛ i kɛ gbenɔ wa kpɛti.”

Samuel I, 20:3 ပူးပေါင်းရင်းမြစ်များ

Samuel II, 15:21

Se Itai he nɔ ke, “I na Yawɛ, nɛ i na nɛnɛ kaa he tsuaa he nɛ o yaa a, i kɛ mo maa ya, gbenɔ mi jio, wami mi jio.”

Matsɛmɛ II, 2:2

Ngɛ blɔ ɔ nɔ ɔ, Eliya de Elisha ke, “Yawɛ tsɔ mi Betel; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Betel ya.

Matsɛmɛ II, 2:4

Eliya de Elisha ke, “Yawɛ tsɔ mi Yeriko; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ a pue nɔ kɛ ho Yeriko ya.

Matsɛmɛ II, 2:6

Eliya de Elisha ekohu ke, “Yawɛ tsɔ mi Yordan pa a nya; lɔ ɔ he ɔ, i kpa mo pɛɛ nɛ o mlɛ mi ngɛ hiɛ ɔ.” Se Elisha de lɛ ke, “I na Mawu, nɛ i na mo nitsɛ o nane kaa i be o he jee.” Lɔ ɔ he ɔ, mɛ ni enyɔ ɔmɛ tsuo a pue nɔ kɛ ho Yordan pa a nya ya,

La 116:3

Gbenɔ klama amɛ bɔle mi kɛ kpe, gbeje nɔ́ nami ɔmɛ wo ye he gbeye; ye ní pee mɔbɔ, nɛ i hao wawɛɛ.

Yeremia 38:16

Kɛkɛ nɛ Matsɛ Zedekia ka mi kita ngɛ laami mi ke, “I na Yawɛ hɛ kalɔ ɔ nɛ ha wɔ wami ɔ kaa i be mo gbee; nimli nɛ ngɛ mo hlae nɛ a gbe ɔ, mɛ hu i be mo ngɔe kɛ wo a dɛ mi.”

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Mose V, 28:66

Daa nɛ ɔ, nyɛ maa hi gbenɔ muɔ nya. Nyɛ tsui maa hi poe nyɔ kɛ pia; e maa pee nyɛ kaa nyɛ ma gbo tlukaa.

Mose V, 6:13

Nyɛɛ ye Yawɛ, nyɛ Mawu ɔ gbeye; nyɛ ja lɛ pɛ; nɛ e biɛ nyɛ kɛ ka kita.

Hebribi 6:16

Ke nɔ ko ma ka kita a, e ngɔɔ nɔ ko nɛ pe lɛ biɛ kɛ kaa, nɛ e kɛ maa munyu nɛ e tu ɔ nɔ mi.

Samuel I, 1:26

Hana de lɛ ke, “I kpa mo pɛɛ, ye nyɔmtsɛ, o kai mi lo? Imi ji yo ɔ nɛ o na be ko nɛ i daa si ngɛ hiɛ ɔ nɛ i ngɛ kue fae ha Yawɛ ɔ nɛ.

Samuel I, 17:55

Benɛ David yaa nɛ e kɛ Filisti no ɔ ya kpe ɔ, Saul bi e tatsɛ, Abner ke, “Abner, mɛnɔ bi ji kikɛmɛ a niheyo nɛ ɔ?” Abner he nɔ ke, “Nɛnɛ, i na o nane kaa i li.”

Samuel I, 20:2

Yonatan he nɔ ke, “Dɛbi! O be gboe. Hyɛ, tsaatsɛ pee we nɔ́ ko nguaa, loo bɔbɔyoo nɛ e wo we ye tue nɔ ngɛ he. E be mi!”

Samuel I, 20:4

Yonatan de David ke, “Nɔ́ tsuaa nɔ́ nɛ o ngɛ hlae ɔ, de mi nɛ ma pee ha mo.”

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”