Samuel I, 20:16 - BAIBLO ALOO NGMAMI KLƆUKLƆU Ɔ

¹⁶ ko ha Yonatan biɛ nɛ e laa ngɛ David weku ɔ mi. Ke o pee ja a, Yawɛ kɛ mo maa ye.”

Samuel I, 20:16 ပူးပေါင်းရင်းမြစ်များ

Samuel I, 25:22

I na Mawu, benɛ je ke e naa a, ke nyumu kake ngmelu piɛ ngɛ e we bi ɔmɛ a kpɛti fii!”

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel II, 21:8

Se e ngɔ Armoni, kɛ Mefiboshet nɛ ji Aya biyo Rizpa binyumuwi enyɔ ɔmɛ nɛ e kɛ Saul fɔ ɔ. Jehanɛ hu e ngɔ Saul biyo Merab binyumuwi enuɔ ɔmɛ nɛ e kɛ Adriel, Barzilai binyumu ɔ nɛ je Mehola fɔ ɔ.

Samuel I, 31:2

Se Filisti bi ɔmɛ ya na mɛ, nɛ a gbe Saul binyumu etɛ ɔmɛ, Yonatan, Abinadab, kɛ Malkishua.

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose V, 23:21

“Ke o wo Yawɛ, o Mawu ɔ si ɔ, ye nɔ; koo to tsle. Yawɛ hyɛɛ blɔ kaa o ye o siwo ɔ nɔ; nɛ ke o pee we ja a, e ji tɔmi.

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.

Samuel I, 22:8

loko nyɛ tsuo nyɛ so kɛ wo ye he kikɛ nɛ ɔ? Nɔ ko nɔ ko wo we ye tue nɔ kaa ye binyumu ɔ kɛ David so somi ko. Nɔ ko nɔ ko be nyɛ kpɛti nɛ ye sane dɔɔ lɛ, nɛ e ma wo ye tue nɔ kaa imi nitsɛ ye binyumu ha nɛ ye tsɔlɔ te si wo mi, nɛ mwɔnɛ ɔ, e ngɛ ye he blɔ hlae nɛ e gbe mi.”

Yeremia 40:9

Gedalia de mɛ ke, “I ngɛ nyɛ kita kae kaa nyɛ ko ye gbeye kaa nyɛ maa ngɔ nyɛ he ya ha Babilonia bi ɔmɛ. Nyɛɛ hi zugba a nɔ, nɛ nyɛ sɔmɔ Babilonia matsɛ ɔ, kɛkɛ e maa hi ha nyɛ.

Yoshua 22:23

Ke wa bui Yawɛ tue, nɛ wa ma wɔ nitsɛmɛ wa bɔ sami la tɛ, nɛ́ waa sã sami bɔhi, loo ngma bɔhi, loo tue mi jɔmi bɔhi ngɛ nɔ ɔ, lɛɛ Yawɛ nitsɛ nɛ gbla wa tue!

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 25:26

Yawɛ lɛ tsi o nya, bɔ nɛ pee nɛ o ko pue muɔ si kɛ ye mo nitsɛ o he lue. Lɔ ɔ he ɔ, i na Mawu kaa o he nyɛli, kɛ nihi nɛ hlaa mo yayami ɔ, a maa gbla a tue kaa Nabal.