Samuel I, 20:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, David tu fo kɛ je Nayot ngɛ Rama kɛ ba Yonatan ngɔ, nɛ e ba bi lɛ ke, “Mɛni i pee? Mɛni ji ye tɔmi? Mɛni yayami i pee o tsɛ loko e ngɛ mi hlae nɛ e gbe ɔ?”

Samuel I, 20:1 ပူးပေါင်းရင်းမြစ်များ

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

1 Yohane 3:21

Ye nyɛmimɛ nɛ i suɔ! Lɔ ɔ he ɔ, ke wa he nile bui wɔ fɔ ɔ, wa yi gbeye kaa wa maa ya Mawu hɛ mi.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Samuel I, 24:17

nɛ e de David ke, “O da pe mi; ejakaa benɛ i pee mo yayami ɔ, moo o pee mi kpakpa kɛ to nane mi.

Samuel I, 24:11

Jehanɛ tsaatsɛ hyɛ, o bo ɔ nya nɛ ngɛ ye dɛ mi nɛ ɔ nɛ. Kaa i nyɛ po o bo ɔ nya, se i gbi mo ɔ, nɔ́ nɛ ɔ maa tsɔɔ mo kaa nɔ́ yayami, loo atuã tsɔmi ko be ye mi.

Samuel I, 24:9

David de Saul ke, “Mɛni he je nɛ nihi ngɛ mo dee ke i ngɛ hlae ma ye mo awi, nɛ o ngɛ mɛ tue bue ɔ?

Samuel I, 12:3

Imi ji nɛ ɔ nɛ. Ke i pee nɔ́ ko nɛ dɛ ɔ, nyɛɛ po ye nya ngɛ Yawɛ, kɛ nɔ nɛ a wo lɛ matsɛ ɔ a hɛ mi. Anɛ i kpɔ nɔ ko na, loo nɔ ko teji? Anɛ i ye nɔ ko amimi, aloo i wa nɔ ko yi mi? Anɛ i he nyɔ mi ní ngɛ nɔ ko dɛ bɔ nɛ pee nɛ ma ye e sane ɔ ha lɛ lo? Nyɛ de, konɛ ma to nyɛ nane mi.”

Samuel I, 20:2

Yonatan he nɔ ke, “Dɛbi! O be gboe. Hyɛ, tsaatsɛ pee we nɔ́ ko nguaa, loo bɔbɔyoo nɛ e wo we ye tue nɔ ngɛ he. E be mi!”

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

Samuel I, 19:1

Saul de e binyumu Yonatan kɛ e tsɔli ɔmɛ kulaa ke a gbe David. Se suɔmi babauu nɛ Yonatan ngɛ kɛ ha David he je ɔ,

Samuel I, 19:18

David tu fo kɛ ho Samuel ngɔ ya ngɛ Rama, nɛ e ya bɔ lɛ nɔ́ nɛ Saul pee lɛ ɔ tsuo pɛpɛɛpɛ. David kɛ Samuel ho Nayot ya, nɛ a ya hi lejɛ ɔ.

Samuel I, 20:32

Yonatan bi e tsɛ Saul ke, “Mɛni he je a maa gbe lɛ? Mɛni e pee?”

Samuel I, 24:12

Yawɛ maa kojo i kɛ mo wa kpɛti, nɛ e maa wo mo hiɔ ngɛ nɔ́ nɛ o ngɛ mi pee nɛ ɔ he; imi lɛɛ ye nine be o he sae.

Samuel I, 26:18

David ya nɔ nɛ e bi lɛ ke, “Ye nyɔmtsɛ, mɛni he je o ngɛ ye se nyɛɛe kɛ mwɔɔ? Mɛni i pee mo? Mɛni yayami i pee?