Samuel I, 2:7 - BAIBLO ALOO NGMAMI KLƆUKLƆU Ɔ

⁷ Yawɛ lɛ peeɔ nɔ ohiatsɛ, nɛ e peeɔ nɔ niatsɛ. E baa nɔ si, nɛ e woɔ nɔ nɔ.

Samuel I, 2:7 ပူးပေါင်းရင်းမြစ်များ

Matsɛmɛ II, 9:6

Kɛkɛ nɛ Yehu be kɛ sɛ we ɔ mi, nɛ niheyo ɔ plɛ nu ɔ kɛ pue e yi mi, nɛ e de ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘I ngɛ mo nu pɔe kɛ ngɛ mo Yawɛ ma nɛ ji Israel ɔ nɔ matsɛ woe.

Kronika I, 29:12

Ní nami, kɛ hɛ mi nyami tsuo jee o dɛ mi. O kɛ o he wami yeɔ nɔ́ tsuaa nɔ́ nɔ; mo lɛ o haa nɔ biɛ, kɛ he wami.

Kronika II, 32:27

Hezekia ba na ní babauu nitsɛ, nɛ nɔ tsuaa nɔ buɔ lɛ. E pee nito hehi, nɛ e to ní nɛ ɔmɛ ngɛ lejɛ ɔmɛ: sika tsu, sika hiɔ, tɛhi nɛ a he jua wa, tsopahi kɛ a he via, tsɛ̃ihi, kɛ ní kpa komɛ nɛ a he jua wa.

Kronika II, 32:29

Mawu ha Hezekia to, na, kɛ ní kpahi babauu nitsɛ, nɛ lɔ ɔ he je ɔ, e po mahi babauu.

Hiob 1:21

Hiob de ke, “Maa fɔ mi kɛ ba he gu, nɛ ma kpale kɛ ya he gu. Yawɛ lɛ ha, nɛ Yawɛ lɛ ba ngɔ kɛ ho. A je Yawɛ biɛ ɔ yi!”

Hiob 40:12

Ee, hyɛ mɛ nɛ o ba mɛ si. Moo naa yiwutsotsɛmɛ a nɔ ngɛ a hi he ɔmɛ.

Hiob 5:11

Ee, nihi nɛ baa a he si ɔ, Mawu woɔ a nɔ; lɛ nɛ e woɔ kɔmɔ yeli a bua.

La 102:10

ejakaa o mi mi fu mi wawɛɛ nitsɛ. O wo ye nɔ, nɛ o sake mi kɛ fɔ he.

La 75:7

Mawu ji kojolɔ; e woɔ ni komɛ a nɔ, nɛ e baa ni komɛ si.

La 75:8

Yawɛ hɛɛ kplu ko ngɛ e dɛ mi, nɛ dã kpakpa nɛ nya wa hyi lɛ tɔ. E maa po dã nɛ ɔ ha nimli yayamihi tsuo, nɛ a maa hi nue hluu kɛ yaa si dã a sisi tɔɔ.

Abɛ Womi 22:2

Niatsɛ, kɛ ohiatsɛ ɔ, nimli kake too ji mɛ; Yawɛ lɛ pee mɛ tsuo.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yeremia 49:15

Yawɛ maa ba mo si ngɛ je ma amɛ a hɛ mi, nɛ nɔ ko nɔ ko be mo bue hu.

Ezekiel 17:24

Zugba a nɔ tso ɔmɛ tsuo maa le kaa imi Yawɛ lɛ i haa tso gagaa peeɔ kpiti, nɛ tso kpiti kaa gagaa. Imi lɛ i haa tso mumu gbliɔ, nɛ tso gbigbli peeɔ tso mumu ekohu. Imi, Yawɛ lɛ i de, nɛ ma pee.”

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.