Samuel I, 2:28 - BAIBLO ALOO NGMAMI KLƆUKLƆU Ɔ

²⁸ Imi lɛ i hla Aaron kɛ e weku ɔ kɛ je Israel wɛtso ɔmɛ tsuo a kpɛti ke a ba pee ye osɔfohi, nɛ a sã tsopa kɛ e he via ngɛ bɔ sami la tɛ ɔ nɔ, nɛ a wo efɔd nɛ a kɛ bi ye yi mi tomi. I ha mɛ he blɔ kaa bɔ ɔmɛ nɛ Israel ma a ba sãã ngɛ bɔ sami la tɛ ɔ nɔ ɔ, mɛ nitsɛmɛ a ngɔ eko ha a he.

Samuel I, 2:28 ပူးပေါင်းရင်းမြစ်များ

Samuel II, 12:7

Natan de David ke, “Mo tutuutu ji jamɛ a nyumu ɔ nɛ! Bɔ nɛ Yawɛ, Israel Mawu ɔ de ji nɛ ɔ nɛ: ‘Imi nɛ i pɔ mo nu nɛ i wo mo Israel matsɛ, nɛ i je mo kɛ je Saul dɛ mi.

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Mose II, 28:1

“Moo tsɔ ya ngɔ o nyɛminyumu Aaron kɛ e binyumu ɔmɛ nɛ ji Nadab, Abihu, Eleazar, kɛ Itamar kɛ ba. Mo ha nɛ a tsɔ a he kɛ je Israel bi kpa amɛ a he, bɔ nɛ pee nɛ a ba sɔmɔ mi kaa osɔfohi.

Mose II, 28:4

Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Mose II, 30:7

Daa mɔtu ke Aaron ma kane ɔmɛ a he ní tsumi ɔ, e sã tsopa kɛ e he via ngɛ nɔ.

Mose II, 30:8

Daa gbɔkuɛ hu ke e ma kane ɔmɛ sumi ɔ, e pee ja nɔuu. A sã tsopa kɛ e he via nɛ ɔ daa ngɛ imi Yawɛ, ye hɛ mi. A pee nɔ́ nɛ ɔ yi nɔ tsuaa yi nɔ.

Mose III, 2:10

Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 2:3

Mamu nɛ piɛ ngɛ niye ní bɔ sami ɔ se ɔ, peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 6:16

Mamu nɛ piɛ ɔ peeɔ Aaron kɛ e bimɛ ɔmɛ a nɔ́. A kɛ sã abolo kplolo nɛ a ye ngɛ he ko nɛ ngɛ klɔuklɔu, ngɛ kue ɔ nɛ ngɛ kpe he bo tsu ɔ mi ɔ mi. Bɔ ɔmɛ nɛ a kɛ la sãã kɛ haa Yawɛ ɔ, Yawɛ ngɔ fa nɛ ɔ kɛ ha osɔfo ɔmɛ kaa a blɔ fa mi nɔ́. E ngɛ klɔuklɔu saminya kaa bɔ nɛ yayami pami, kɛ fɔ yemi bɔ ɔmɛ ngɛ ɔ.

Mose III, 7:32

Á ngɔ lohwe ɔ hiɔ fiɔ ɔ kɛ ha osɔfo ɔ nɛ ngɔ muɔ kɛ zɔ ɔ kɛ sã tue mi jɔmi bɔ ɔ kaa nike ní pɔtɛɛ ko. E blɔ nya nɔ́ ji nɛ ɔ nɛ.

Mose III, 7:36

Jamɛ a ligbi ɔ nɛ Yawɛ pɔ mɛ nu ɔ nɛ e fa Israel bi ɔmɛ ke a ngɔ bɔ nɛ a sãã a mi fa nɛ ɔ ngɔ ha mɛ. E ji mlaa nɛ fɔɔ si ha Israel bi ɔmɛ kɛ a nina tsuo kulaa yi nɔhi tsuo.

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Samuel I, 14:3

Osɔfo Ahiya hɛɛ efɔd ɔ. Ahiya ji Ikabod nyɛminyumu Ahitub binyumu. Ahitub ji Finehas bibi, kɛ Eli nɛ ji Yawɛ osɔfo ɔ nɛ hi Shilo ɔ bibimibi. Se ma a li kaa Yonatan je a he.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.