Samuel I, 2:25 - BAIBLO ALOO NGMAMI KLƆUKLƆU Ɔ

²⁵ Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.

Samuel I, 2:25 ပူးပေါင်းရင်းမြစ်များ

Hebribi 10:26

Amlɔ nɛ ɔ nɛ wa na le anɔkuale ɔ nɛ kɔɔ sane kpakpa a he ɔ, ke wa je blɔ ngɛ yayami pee kɛ mwɔɔ ɔ, bɔ kpa ko be nɛ a maa sã kɛ je yayami ɔ.

Samuel I, 3:14

Lɔ ɔ he ɔ, i ngɛ Eli kɛ e we mi bi ɔmɛ kita kae kaa yayami agbo nɛ a pee nɛ ɔ, a kɛ sami bɔ, loo niye ní bɔ ko be nyɛe ma kpata mi kɔkɔɔkɔ.”

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

Mose IV, 15:30

“Se ke nɔ ko je blɔ pee yayami ko ɔ, zugba a nɔ fɔmi bi ji lɛ jio, nubwɔ ji lɛ jio, nɔ ɔ bɔ Yawɛ ahlua; a je lɛ kɛ je e ma mi bi ɔmɛ a kpɛti.

Abɛ Womi 15:10

Nɔ nɛ pee we nɔ́ nɛ da a, a maa gbla e tue wawɛɛ; nɔ nɛ sume nɛ a ka e hɛ mi ɔ, e ma gbo.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

La 51:16

O hla we bɔhi, jinɛ ma ngɔ kɛ ba; sami bɔ hu, o sume.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Hebribi 10:27

Mohu ɔ, waa kɛ gbeye yemi nɛ hyɛ kojomi nɛ ma a, kɛ la gegeege nɛ ma kpata nihi nɛ teɔ si kɛ siɔ Mawu a hɛ mi ɔ blɔ.

Hiob 9:33

Se sane he buálɔ ko be; nɔ ko be nɛ maa kojo Mawu kɛ nɔmlɔ a kpɛti.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Mose I, 38:7

Yuda bitɛte Er pee e he nɔmlɔ yayami. Nɔ́ nɛ ɔ ngɔɛ Yawɛ nya; lɔ ɔ he ɔ, Yawɛ gbe lɛ.

Mose I, 38:10

Se nɔ́ nɛ e pee nɛ ɔ sɛ́ Yawɛ hɛ mi; lɔ ɔ he ɔ, Yawɛ gbe lɛ hulɔ.

Matsɛmɛ I, 8:31

“Ke a po nɔ ko nya kaa e tɔ e nyɛmi nɔ, nɛ a kɛ lɛ ba da o bɔ sami la tɛ ɔ hɛ mi ngɛ we nɛ ɔ mi ke e ka kita nɛ e kɛ tsɔɔ kaa e pee we yayami ko ɔ,

Matsɛmɛ I, 8:32

Yawɛ, moo bu tue ngɛ hiɔwe nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Kronika II, 10:15

Matsɛ Rehoboam bui ma a tue fɛɛ! Se nɔ́ nɛ ɔ, Yawɛ he ngɛ mi. Yawɛ lɛ ha nɛ matsɛ ɔ pee ja a, bɔ nɛ pee nɛ si ko nɛ lɛ Yawɛ ɔ wo Nebat binyumu Yeroboam kɛ gu gbalɔ Ahiya nɛ je Shilo ɔ nɔ ɔ nɛ ba mi.

Abɛ Womi 13:1

Bi ní lelɔ buɔ e tsɛ tsɔsemi tue. Bi nɔ builɔ lɛɛ e kplɛɛ we nɛ a kaa e hɛ mi.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.