Samuel I, 2:24 - BAIBLO ALOO NGMAMI KLƆUKLƆU Ɔ

²⁴ Dɛbi, ye bimɛ, nyɛ kpa! Níhi nɛ i ngɛ nue nɛ Yawɛ ma a ngɛ dee ngɛ nyɛ he ɔ, pi ní kpakpahi.

Samuel I, 2:24 ပူးပေါင်းရင်းမြစ်များ

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

3 Yohane 1:12

Demetrio lɛɛ nɔ tsuaa nɔ tuɔ e he munyu kpakpa; nɛ jã nɔuu nɛ anɔkuale ɔ nitsɛ hu tsɔɔ. Wɔ hu wa ngɛ e he odase yee ja nɔuu, nɛ nyɛ le kaa anɔkuale wa ngɛ tue.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

1 Timoteo 3:7

Asafo nɔ hyɛlɔ ɔ, é ba e je mi saminya, konɛ ni nɛmɛ nɛ ja we Mawu tete po nɛ a hɛɛ e biɛ kpakpa mi. Ke pi ja a, e ma pue e hɛ mi si, kɛkɛ e sɛ Abosiami klama mi.

2 Korintobi 6:8

Ni komɛ woɔ wa hɛ mi nyami, se ni komɛ gbeɔ wa he guɛ; ni komɛ jɛɔ wɔ, se ni komɛ hu jeɔ wa yi. A tsɛɔ wɔ nɔ sisili, se anɔkuale wa tuɔ.

Ni Tsumi 6:3

Lɔ ɔ he ɔ, wa nyɛmimɛ, nyɛɛ hla nyɛ kpɛti ni kpaago, nihi nɛ ngɛ biɛ kpakpa; nihi nɛ Mumi Klɔuklɔu ɔ hyi mɛ tɔ, nɛ a le ní hulɔ, konɛ waa ngɔ mɛ ngɔ to ní tsumi nɛ ɔ nya.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Malaki 2:8

“Se, nyɛ osɔfohi! Amlɔ nɛ ɔ, nyɛ gba kɛ je blɔ nɛ da a nɔ. Nyɛ ní tsɔɔmi ɔ ha nɛ nihi fuu a nane kpata. Somi ɔ nɛ i kɛ nyɛ so ɔ, nyɛ yi nɔ.

Matsɛmɛ II, 10:31

Se Yehu yi Yawɛ, Israel Mawu ɔ mlaa a nɔ kɛ e tsui tsuo. Mohu ɔ, e ya wo Yeroboam, nɔ nɛ ha Israel pee yayami ɔ nane.

Matsɛmɛ I, 15:30

A pee nɔ́ nɛ ɔ, ejakaa Yeroboam wo Yawɛ, Israel Mawu ɔ mi mi la; Yeroboam pee yayami kɛ si Yawɛ, nɛ jehanɛ hu, e ha nɛ Israel hu pee yayami.

Samuel I, 2:22

Jehanɛ lɛɛ Eli ba bwɔ; níhi nɛ e binyumu ɔmɛ ngɛ Israel bi ɔmɛ pee ɔ, e nu lɛ tsuo pɛpɛɛpɛ. E nu hulɔ kaa a kɛ yi ɔmɛ nɛ tsuɔ ní ngɛ kpe he bo tsu ɔ nya a ngɛ si hwɔe.

Samuel I, 2:17

Eli binyumu ɔmɛ pee yayami agbo ngɛ Yawɛ hɛ mi, ejakaa a bui Yawɛ bɔ sami ɔ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Samuel I, 2:23

Lɔ ɔ he ɔ, e bi mɛ ke, “Mɛni he je nɛ nyɛ ngɛ ní nɛ ɔmɛ pee, nɛ nɔ tsuaa nɔ ngɛ nyɛ he munyu tue ɔ?

Matsɛmɛ I, 15:26

E ya wo e tsɛ nane, nɛ e pee yayami kɛ si Yawɛ, nɛ e ha Israel hu pee yayami.