Samuel I, 2:11 - BAIBLO ALOO NGMAMI KLƆUKLƆU Ɔ

¹¹ Pee se ɔ, Elkana kpale e se kɛ ho we mi ya ngɛ Rama, se jokuɛyo Samuel ɔ hi osɔfo Eli ngɔ nɛ e sɔmɔ Yawɛ.

Samuel I, 2:11 ပူးပေါင်းရင်းမြစ်များ

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.

Samuel I, 1:19

E nɔ jena a, Elkana kɛ e yi ɔmɛ, kɛ e bimɛ ɔmɛ te si mla, nɛ benɛ a ja Yawɛ ta a, a kpale a se kɛ ho a we mi ya ngɛ Rama. Elkana kɛ e yo Hana na bɔmi, nɛ Yawɛ bu Hana kue fami ɔ tue.

Samuel I, 1:28

Lɔ ɔ he ɔ, imi hu i ngɔ lɛ ba ha Yawɛ. E maa pee Yawɛ nɔ́ e wami ligbi ɔmɛ tsuo.” Kɛkɛ nɛ a ja Yawɛ ngɛ lejɛ ɔ.

Samuel I, 2:18

Jamɛ a be ɔ, jokuɛyo Samuel ɔ lɛɛ e ngɛ Yawɛ sɔmɔe, nɛ a kɛ kploba efɔd fi e kpɛti.

Samuel I, 3:1

Be mi nɛ jokuɛ nyumuyo Samuel ɔ ngɛ Eli ngɔ nɛ e ngɛ Yawɛ sɔmɔe ɔ, Yawɛ nya mi sɛ gbi pɔɛ he; nɛ ní nami hu pɔɛ he.

Samuel I, 3:15

Samuel ho ya hwɔ si kɛ ya si mɔtu; nɛ e te si nɛ e bli Yawɛ we ɔ sinya amɛ. Samuel ye gbeye kaa e ma de Eli nɔ́ nɛ Yawɛ de lɛ ɔ.

Samuel I, 7:17

Lɔ ɔ se ɔ, e kpaleɔ kɛ baa e ma mi Rama, nɛ e ba kojoɔ ngɛ lejɛ ɔ hulɔ. E ma bɔ sami la tɛ hu ha Yawɛ ngɛ Rama.