Samuel I, 2:1 - BAIBLO ALOO NGMAMI KLƆUKLƆU Ɔ

¹ Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Samuel I, 2:1 ပူးပေါင်းရင်းမြစ်များ

Kronika II, 20:27

Yehoshafat nyɛɛ e tabo ɔ hɛ mi kɛ kpale kɛ ba Yerusalem kɛ manye, ejakaa Yawɛ ye a he nyɛli ɔmɛ a nɔ kunimi.

Nehemia 11:17

Mika bi Matania, Asaf nina ko nɛ a tsɛɛ Zabdi ɔ bibi ɔ. Lɛ ji nɔ nɛ jeɔ la nɛ a kɛ jeɔ si nami sɔlemi sisi. Bakbukia, Matania setsɔ ɔ, kɛ Shamua bi Abda, Yedutun nina Galal bibi ɔ.

Hiob 16:15

I kpɛ kpekpe ngɔ ha ye he, nɛ i hii si ngɛ zugba kɛ ngɛ kɔmɔ yee.

La 118:14

Yawɛ lɛ woɔ mi he wami; ma la kɛ je e yi, ejakaa e he ye yi wami.

La 13:5

Se imi lɛɛ, o suɔmi nɛ ngɛ daa a, lɔ ɔ nɔ lɛ i ngɔ ye hɛ kɛ fɔ. Ma ná bua jɔmi, ejakaa o ma he ye yi wami.

La 148:14

E to e ma a sisi kɛ he wami saminya. lɔ ɔ he ɔ, e ma a tsuo ngɛ e yi jee; e ma a ji Israel, nɛ e he jua wa ha lɛ kaa nɔ́ ko. Nyɛ je Yawɛ yi!

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 20:5

Ke o ye kunimi ɔ, wa ma hwɔ lele. Wa ma wo aflangaa nɔ ngɛ wa Mawu ɔ hɛ mi kɛ tsɔɔ kaa wa bua jɔ. Yawɛ nɛ ha mo níhi tsuo nɛ o fa a he kue ɔ.

La 21:2

O ha lɛ nɔ́ nɛ e ngɛ hlae ɔ; nɔ́ nɛ e bi mo ɔ hu, o kua we.

La 35:9

Kɛkɛ ɔ, Yawɛ he ɔ, ma na bua jɔmi. Ye bua maa jɔ, ejakaa e he ye yi wami.

La 51:15

Nyɔmtsɛ, bli ye nya, konɛ ma la kɛ je o yi.

La 71:8

Ma je o yi, nɛ ma wo o hɛ mi nyami ligbi ɔ tsuo.

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

La 89:17

Mo lɛ o haa nɛ a yeɔ kunimi nguahi. Mo lɛ o naa wɔ mɔbɔ loko wa yeɔ manye.

La 89:18

Yawɛ, mo lɛ o hla wa he falɔ ɔ kɛ ha wɔ; mo, Israel Mawu klɔuklɔu ɔ, mo lɛ o ha wɔ wa matsɛ.

La 89:24

Ma suɔ lɛ, ma ye lɛ anɔkuale, nɛ ma ha e maa ye kunimi daa.

La 9:14

konɛ ma na bua jɔmi nɛ ma je o yi ngɛ Yerusalem bi ɔmɛ a hɛ mi; nɛ ma nya kɛ tsɔɔ kaa o he ye yi wami.

La 92:10

O ha nɛ i na he wami kaa pu mi na. O gbaa mi kɛ bua jɔmi babauu.

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Habakuk 3:1

Gbalɔ Habakuk fa kue ke,

Habakuk 3:18

ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Luka 1:69

E je kpɔlɔ kpanaa nɛ ji e tsɔlɔ David nina ha wɔ.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Filipibi 4:6

Nyɛ ko hao ngɛ nɔ́ ko nɔ́ ko he; se mohu nɔ́ tsuaa nɔ́ mi ɔ, nyɛɛ kɛ sɔlemi, kɛ pɛɛ kpami, kɛ sina nɛ wo nyɛ hiami ní ɔmɛ a ta ha Mawu.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Samuel I, 1:6

E hunoyo Penina yeɔ e he fɛu nɛ e yeɔ e tsui ngɛ fɔmi nɛ e fɔ we ɔ he.

Samuel I, 1:7

Nɔ́ nɛ ɔ yaa nɔ daa jeha; be tsuaa be nɛ a ya Yawɛ we ɔ, Penina maa ye Hana tsui kɛ yaa si e ma fo ya nɛ e ma kua ní yemi.