Samuel I, 19:6 - BAIBLO ALOO NGMAMI KLƆUKLƆU Ɔ

⁶ Saul bu Yonatan munyu ɔ tue; nɛ e kɛ Yawɛ biɛ ka kita ke e be David gbee.

Samuel I, 19:6 ပူးပေါင်းရင်းမြစ်များ

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

Samuel I, 28:10

Kɛkɛ nɛ Saul kɛ Yawɛ biɛ ka yo ɔ kita ke, “I na Yawɛ kaa nɔ ko nɔ ko be o tue gblae ngɛ nɔ́ nɛ ɔ he.”

Samuel I, 14:39

I na Yawɛ Israel yi wami helɔ ɔ, kaa ke ji ye bi Yonatan po nɛ pee yayami nɛ ɔ, ja a gbe lɛ.” Se nɔ ko nɔ ko de we nɔ́ ko.

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Samuel I, 19:7

Yonatan ya tsɛ David nɛ e bɔ lɛ nɔ́ tsuaa nɔ́. Lɔ ɔ se ɔ, e kɛ lɛ ba Saul ngɔ, nɛ David sɔmɔ Matsɛ Saul kaa kekle ɔ.

Abɛ Womi 31:8

“Tu munyu kɛ fa mumui he; ye awusahi tsuo a sane ha mɛ.