Samuel I, 19:5 - BAIBLO ALOO NGMAMI KLƆUKLƆU Ɔ

⁵ E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Samuel I, 19:5 ပူးပေါင်းရင်းမြစ်များ

Samuel II, 23:10

Lɛ nɛ e da si nɛ e kɛ Filisti bi ɔmɛ hwu ta hluu kɛ ya si e kɔni gbo; se kɛ̃ e hɛɛ e klaate ɔ ngɛ e dɛ mi. Yawɛ ye kunimi nguaa jamɛ a ligbi ɔ. Pee se ɔ, Israel bi ɔmɛ kpale kɛ ba he nɛ Eleazar ngɛ ɔ; nɛ a ba ha ní ngɛ ni gbogboe ɔmɛ a he.

Kronika I, 11:14

Kɛkɛ nɛ e kɛ David ya da ta a nya ngɛ akoko ngmɔ ɔ kpɛti tutuutu, nɛ a kɛ Filisti bi ɔmɛ hwu. Yawɛ ha nɛ a ye kunimi nguaa.

Kronika I, 11:18

Katsɛmɛ etɛ ɔmɛ pee nyumu; a ya gu Filisti bi ɔmɛ a kpɛti nɛ a ya yɛ nyu ngɛ vu ɔ mi kɛ ba ha David. Se e kua numi; e plɛ nyu ɔ pue si ha Yawɛ mohu,

La 109:5

A ngɔɔ yayami kɛ toɔ kpakpa nɛ i peeɔ mɛ ɔ nane mi. A nyɛɛ mi ngɛ suɔmi nɛ i suɔ mɛ ɔ nane mi.

La 119:109

I dla ye he kɛ to ha gbenɔ be tsuaa be, se kɛ̃ ɔ, i je we ye hɛ kɛ ji o mlaa a he.

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

La 69:4

Nihi nɛ ye he ngɛ mɛ tsɛ̃e yaka gu ɔ, a he hiɛ babauu pe ye yi bwɔmi. Ye he nyɛli lakpatsɛmɛ nɛ ngɛ ye hɛ mi hlae nɛ a kpata a, yiwutsotsɛmɛ kpanakuhi ji mɛ. Anɛ níhi nɛ pi ojo nɛ i ye kɛ na a, lɔ ɔmɛ hu ma ngɔ kɛ ha lo?

La 94:21

A soɔ dali a yi nɔ, nɛ nihi nɛ pee we nɔ́ ko ɔ, a buu mɛ gbenɔ fɔ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Yeremia 26:15

Se nyɛ na nɛ nyɛɛ le ɔ kaa ke nyɛ gbe mi ɔ, nyɛ pue nɔ nɛ pee we nɔ́ ko ɔ muɔ si, nɛ musu maa tloo nyɛɛ kɛ ma nɛ ɔ, kɛ ma mi bi ɔmɛ tsuo. Ejakaa Yawɛ nitsɛ lɛ tsɔ mi nyɛ ngɔ ke ma ba tu munyu nɛ ɔmɛ tsuo kɛ tsɔɔ nyɛ.”

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Mateo 27:4

E de mɛ ke “I pee yayami kaa i tsɔɔ nɔ nɛ pee we yayami ɔ se blɔ nɛ a gbe lɛ.” Se mɛɛ lɛɛ a he nɔ ke, “Mɛni enɛ ɔ kɔɔ ngɛ wa he? Mo nitsɛ o sane ji lɔ ɔ!”

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Filipibi 2:30

Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

Manyadali 12:3

Nɛ́ i na kaa nyɛ be bae ɔ, i ngɔ ye wami kɛ sã bɔ, nɛ i hia kɛ ya na Amon bi ɔmɛ; nɛ Yawɛ hu ngɔ mɛ kɛ wo ye dɛ mi. Lɛɛ, mɛni he je nyɛ hia kɛ ba na mi mwɔnɛ ɔ nɛ nyɛɛ kɛ mi ba hwu mɔ?”

Manyadali 9:17

Nyɛ kai kaa tsaatsɛ ngɔ e he kɛ sã bɔ, nɛ e hwu ta ha nyɛ, nɛ e je nyɛ kɛ je Midian bi ɔmɛ a dɛ mi.

Samuel I, 11:13

Se Saul de ke, “Dɛbi, a be nɔ ko nɔ ko gbee mwɔnɛ ɔ, ejakaa mwɔnɛ ligbi nɛ ɔ, Yawɛ he Israel yi wami.”

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Samuel I, 19:6

Saul bu Yonatan munyu ɔ tue; nɛ e kɛ Yawɛ biɛ ka kita ke e be David gbee.

Samuel I, 20:32

Yonatan bi e tsɛ Saul ke, “Mɛni he je a maa gbe lɛ? Mɛni e pee?”

Samuel I, 22:14

Ahimelek he nɔ ke, “O tsɔli ɔmɛ tsuo a kpɛti ɔ, mɛnɔ lɛ e yeɔ anɔkuale kɛ o ngatsɛ David sɔ? O he buli ɔmɛ a nyatsɛ ji lɛ, nɛ a buu lɛ saminya ngɛ o we ɔ mi.

Samuel I, 28:21

Kɛkɛ nɛ yo ɔ ba Saul ngɔ, nɛ e na kaa e tsui po, lɔ ɔ he ɔ, e de lɛ ke, “O nɛ, o mawayo bu mo tue; i ngɔ ye wami ngɔ ke, nɛ i pee nɔ́ nɛ o ngɛ hlae ɔ ha mo.