Se nyumu ni enuɔ ɔmɛ nɛ ya slaa zugba a, mɛɛ lɛɛ a sɛ we ɔ mi, nɛ a ya ngɔ amaga nɛ a hlɔ nɛ a kɛ sika hiɔ ha he ɔ, kɛ efɔd ɔ, kɛ amaga nɛ a kpɛ́ ɔ, be mi nɛ osɔfo ɔ, kɛ nyumuhi lafa ekpa amɛ nɛ mia kɛ ta hwumi ní ɔ daa si ngɛ agbo ɔ nya a.
Kɛkɛ nɛ nyumu ni enuɔ ɔmɛ nɛ ya slaa Laish zugba a de a nyɛmimɛ ɔmɛ ke, “Anɛ nyɛ le kaa efɔd, kɛ amaga nɛ a kpɛ́, kɛ amaga nɛ a hlɔ nɛ a kɛ sika hiɔ ha he ngɛ we ɔ kake mi lo? Lɔ ɔ he ɔ, nyɛɛ hyɛ bɔ nɛ nyɛ maa pee ha!”
Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.