Samuel I, 18:8 - BAIBLO ALOO NGMAMI KLƆUKLƆU Ɔ

⁸ Munyu nɛ ɔ ngɔɛ Saul nya. E mi mi fu wawɛɛ nitsɛ, nɛ e de ke, “A ngɔ akpe nyɔngmahi ngɔ ha David; se imi lɛɛ a ha mi akpehi pɛ. Mɛni pa piɛ mɔ nɛ e ma na pe matsɛ yemi ɔ?”

Samuel I, 18:8 ပူးပေါင်းရင်းမြစ်များ

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Ester 3:5

Benɛ Haman kpá si kaa Mordekai bui lɛ, nɛ e kpla we si ha we lɛ ɔ, e hɛ dɔ;

Samuel I, 20:31

Anɛ o li kaa ligbi abɔ nɛ David ngɛ je mi ɔ, o be matsɛ yee gblegbleegble ngɛ zugba nɛ ɔ nɔ lo? Yaa nɛ o ya ngɔ lɛ kɛ ba hiɛ ɔ; ja e gbo!”

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Matsɛmɛ I, 2:22

Matsɛ Salomo bi e nyɛ ɔ ke, “Mɛni he je o bi mi ke ma ngɔ Abishag kɛ ha Adoniya a? Bi nɛ ma ngɔ matsɛ yemi ɔ hu ngɔ ha lɛ mɔ. Wa wetsɛ ji lɛ! Pi kɛ ha lɛ pɛ; se mohu bi kɛ ha osɔfo Abiatar, kɛ Zeruya binyumu Yoab hulɔ!”

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Mose IV, 22:34

Balaam de Yawɛ bɔfo ɔ ke, “I pee yayami; i li kaa mo lɛ o ba po mi ngɛ blɔ ɔ nɔ. Lɔ ɔ he ɔ, ke blɔ nɛ i hia nɛ ɔ dɛ ha mo ɔ, lɛɛ ma kpale ye se mɔ.”

Mose IV, 11:1

Ma a tu munyu huitihuiti ngɛ a haomihi a he. Benɛ Yawɛ nu ɔ, e mi mi fu, nɛ e ha la tso ngɛ ni ɔmɛ a kpɛti; nɛ la a kpata níhi a hɛ mi ngɛ a sito he ɔ kasa fa kake.

Samuel I, 18:9

Lɔ ɔ he ɔ, kɛ je jamɛ a ligbi ɔ kɛ yaa a, Saul je e hɛ ngɔ pi David.

Samuel I, 19:1

Saul de e binyumu Yonatan kɛ e tsɔli ɔmɛ kulaa ke a gbe David. Se suɔmi babauu nɛ Yonatan ngɛ kɛ ha David he je ɔ,

Mose I, 37:8

E nyɛmimɛ ɔmɛ bi lɛ ke, “Lɛɛ tse o ma ba ye wa nɔ matsɛ, pi ja lo?” Nlami ɔ nɛ Yosef sɛɛ ha e nyɛmimɛ ɔmɛ ha nɛ e nyɛmimɛ ɔmɛ nyɛ lɛ pe kekle ɔ.

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.