Samuel I, 18:7 - BAIBLO ALOO NGMAMI KLƆUKLƆU Ɔ

⁷ Benɛ yi ɔmɛ ngɛ nyae ɔ, a je la nɛ a he nɔ ke, “Saul gbe akpehi, se David lɛɛ e gbe akpe nyɔngmahi.”

Samuel I, 18:7 ပူးပေါင်းရင်းမြစ်များ

Samuel I, 21:11

Akish tsɔli ɔmɛ ya de Akish ke, “Anɛ pi David, zugba a nɔ matsɛ ɔ ji nɛ ɔ lo? Anɛ yihi la we nɛ a do, nɛ a de ngɛ e he ke, ‘Saul gbe akpehi, se David gbe akpe nyɔngmahi lo?’ ”

Samuel I, 29:5

David ɔ, nɔ nɛ he nɛ yi ɔmɛ do, nɛ a la ke, ‘Saul gbe akpehi, se David gbe akpe nyɔngmahi’ ɔ, pi lɛ ji nɛ ɔ?”

Mose II, 15:21

Nɛ Miriam la ha mɛ ke, “Nyɛ la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi bum!”

Samuel II, 6:5

Jamɛ a be ɔ, David kɛ Israel bi ɔmɛ tsuo ngɛ lae nɛ a ngɛ doe kɛ a he wami tsuo kɛ ngɛ Yawɛ hɛ mi nyami woe. A fiɛ do, nɛ a fia kpa saku slɔɔtohi, kɛ ngmlɛhi, kɛ gɔgɔhi.

Samuel II, 18:3

Se ni ɔmɛ de ke, “Dɛbi, mo ko ya! Ke wɔɔ wa tu fo ngɛ ta a nya a, nɔ ko be wa he akɔtaa bue. Jã kɛ̃ ke a dla wa mi enyɔ nɛ fa kake nɔ ngɛ ta a mi po, pi nɔ ko kɔmɔ. Se moo lɛɛ o he jua wa kaa wa ti nihi akpe nyɔngma. Lɔ ɔ he ɔ, e hi kaa o hi si ngɛ ma a mi mohu konɛ ke nɔ́ ko he hia wɔ ɔ, nɛ o pee ha wɔ.”

Samuel I, 21:12

David susu munyu nɛ ɔmɛ a he saminya, nɛ e ye Gat matsɛ, Akish gbeye wawɛɛ nitsɛ.

Samuel II, 23:1

Ishai binyumu David, nɔmlɔ nɛ Mawu wó e nɔ gojoo, nɛ Yakob Mawu ɔ pɔ lɛ nu; nɔ nɛ po la ngɔngɔɛhi kɛ ha Israel ɔ, e nyagbe munyuhi ji nɛ ɔmɛ nɛ.