Samuel I, 18:4 - BAIBLO ALOO NGMAMI KLƆUKLƆU Ɔ

⁴ Yonatan kpa e he bo kɛ ha David. E kɛ e ta hwumi ní ɔmɛ, e klaate ɔ, e kɛ̃ɛ̃ ɔ, kɛ e mlɛ mi fimi nɔ́ ɔ hu piɛ he ha lɛ.

Samuel I, 18:4 ပူးပေါင်းရင်းမြစ်များ

Mose I, 41:42

Farao ɔ je e nguɛ ga kɛ e nɔ womi nya sɔumi nɔ́ ɔ, nɛ e kɛ wo Yosef nguɛ. E wo lɛ kploba tade klɔii saminyayoo ko, nɛ e kɛ sika tsu kɔsɔkɔsɔ wo e kuɛ.

Samuel II, 1:22

Jinɛ Yonatan kɛ̃ɛ̃ ɔ, duɔ ngɛ nya; jinɛ Saul klaate ɔ nya ba. A kɛ gbe a he nyɛli kpanakuhi ngɛ ta mi kɛ be.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Samuel I, 17:38

Saul ngɔ lɛ nitsɛ e ta hwumi ní ɔmɛ ngɔ ha David; e bu lɛ akɔblee pɛɛ, nɛ e wo lɛ dama.

Samuel I, 18:5

He tsuaa he nɛ Saul tsɔ David ɔ, e ya yeɔ manye. Enɛ ɔ he ɔ, Saul wo lɛ asafoatsɛ, nɛ nɔ́ nɛ ɔ sa Saul tsɔli, kɛ nihi tsuo a hɛ mi.