Samuel I, 18:27 - BAIBLO ALOO NGMAMI KLƆUKLƆU Ɔ

²⁷ David kɛ e we bi ɔmɛ ya gbe Filisti bi lafa enyɔ. David ngɔ a mɔmlɔtɔ ɔmɛ kɛ ho nɛ e ya kane mɛ sisiisi kɛ ha matsɛ ɔ, konɛ e na he blɔ nɛ e pee e ngatsɛ. Lɔ ɔ he ɔ, Saul kɛ e biyo Mikal ha David.

Samuel I, 18:27 ပူးပေါင်းရင်းမြစ်များ

Samuel II, 3:14

David tsɔ ke a ya de Saul bi Ishboshet hu ke, “Moo kpale ye yo Mikal ɔ ba ha mi; Filisti bi a mɔmlɔtɔ lafa kake nɛ i kɛ pee e he ní.”

Samuel I, 18:13

Lɔ ɔ he ɔ, Saul je lɛ ngɛ e kasa nya, nɛ e pee lɛ ta buli akpe a nyatsɛ. David nyɛɛɔ ma a hɛ mi kɛ yaa kɛ baa,

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Samuel I, 14:49

Saul binyumu ɔmɛ a biɛhi ji nɛ ɔmɛ nɛ: Yonatan, Ishvi, kɛ Malkishua. E ngɛ biyihi enyɔ; a tsɛɛ nɔkɔtɔma a Merab, nɛ e senɔ ɔ biɛ ji Mikal.

Samuel I, 18:17

Ligbi ko ɔ, Saul de David ke, “O nɛ, ye biyo nɔkɔtɔma Merab ji nɛ ɔ nɛ. Ke o maa pee kã, nɛ o maa hwu Yawɛ ta amɛ ha mi ɔ, i kɛ lɛ ma ha mo.” Saul susu kaa ke e pee ja a, Filisti bi ɔmɛ a nine maa su David nɔ nɛ a maa gbe lɛ, nɛ lɛɛ e nine be e he sae.

Samuel I, 18:28

Saul ba yɔse faii kaa Yawɛ kɛ David ngɛ, nɛ e biyo Mikal ɔ hu suɔ lɛ.

Samuel I, 25:44

David yo Mikal lɛɛ e tsɛ Saul ngɔ lɛ ngɔ ha Laish binyumu Palti nɛ je Galim ɔ.

Samuel II, 3:13

Heto nɛ David ha kɛ mane ji, “Saminya! I kɛ mo maa so somi nɛ ɔ. Se nɔ́ nɛ i ngɛ hlae nɛ o pee ha mi ji kaa ke o ma a, o kpaka Saul biyo Mikal ba ha mi. Ke pi ja a, lɛɛ i hla we nɛ ma na o hɛ mi.”