Samuel I, 18:25 - BAIBLO ALOO NGMAMI KLƆUKLƆU Ɔ

²⁵ Saul fa mɛ ke a ya de David ke, “Matsɛ ɔ hla we yo se ní kpa ko pe Filisti bi a mɔmlɔtɔ lafa kɛkɛ nɛ e kɛ ye he nyɛli ɔmɛ a he lue.” Saul to kikɛmɛ a ga nɛ ɔ bɔ nɛ pee nɛ Filisti bi ɔmɛ a nine nɛ su David nɔ nɛ a gbe lɛ.

Samuel I, 18:25 ပူးပေါင်းရင်းမြစ်များ

Samuel I, 18:17

Ligbi ko ɔ, Saul de David ke, “O nɛ, ye biyo nɔkɔtɔma Merab ji nɛ ɔ nɛ. Ke o maa pee kã, nɛ o maa hwu Yawɛ ta amɛ ha mi ɔ, i kɛ lɛ ma ha mo.” Saul susu kaa ke e pee ja a, Filisti bi ɔmɛ a nine maa su David nɔ nɛ a maa gbe lɛ, nɛ lɛɛ e nine be e he sae.

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.

Mose I, 34:12

Nyɛɛ tsɔɔ mi nike ní nɛ nyɛ ngɛ hlae, konɛ yo se ní ɔ hu nyɛɛ wo he jua bɔ nɛ nyɛ suɔ. Nyɛɛ ngɔ yiheyo ɔ ngɔ ha mi nɛ ma ngɔ; nɔ́ tsuaa nɔ́ nɛ nyɛ ma bi mi ɔ, ma ha nyɛ.”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Yoshua 5:3

Kɛkɛ nɛ Yoshua pee tɛ hahi, nɛ e kɛ po Israel bi ɔmɛ ngɛ Gibeat Haaralot nɛ sisi ji “Nɔ Pomi Yoku ɔ”.

Mose I, 29:18

Akɛnɛ Yakob suɔ Rahel he je ɔ, e de Laban ke, “Ma tsu ní ha mo jeha kpaago konɛ o kɛ Rahel, o bi wayo ɔ ha mi nɛ ma ngɔ.”

Samuel I, 18:24

Saul tsɔli ɔmɛ ya bɔ Saul nɔ́ nɛ David de ɔ.

Samuel II, 3:14

David tsɔ ke a ya de Saul bi Ishboshet hu ke, “Moo kpale ye yo Mikal ɔ ba ha mi; Filisti bi a mɔmlɔtɔ lafa kake nɛ i kɛ pee e he ní.”

Samuel I, 19:1

Saul de e binyumu Yonatan kɛ e tsɔli ɔmɛ kulaa ke a gbe David. Se suɔmi babauu nɛ Yonatan ngɛ kɛ ha David he je ɔ,