Samuel I, 18:22 - BAIBLO ALOO NGMAMI KLƆUKLƆU Ɔ

²² Saul fa e tsɔli ɔmɛ ke a ya nɛ a kɛ David ya tu munyu ngɛ dami mi ke, “Matsɛ ɔ ngɛ o he bua jɔmi, nɛ e tsɔli ɔmɛ tsuo suɔ mo; lɔ ɔ he ɔ, moo hyɛ nɛ o ngɔ e biyo ɔ, konɛ o ba pee e ngatsɛ.”

Samuel I, 18:22 ပူးပေါင်းရင်းမြစ်များ

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

Abɛ Womi 29:12

Nɔ yelɔ nɛ lakpa munyu tue e buɔ ɔ, e tsɔli tsuo peeɔ yiwutsotsɛmɛ.

Samuel I, 18:21

Saul susumi ji e kɛ e biyo Mikal ma ha David nɛ e kɛ tsɔ lɛ klama, bɔ nɛ pee nɛ Filisti bi ɔmɛ a nine nɛ su e nɔ. Lɔ ɔ he ɔ, Saul de David si enyɔne ɔ ke, “Jehanɛ lɛɛ o maa pee ye ngatsɛ.”

Samuel I, 18:23

Saul tsɔli ɔmɛ ya sɛɛ ní nɛ ɔ ha David, nɛ David de ke, “Matsɛ e ngatsɛ peemi ɔ, e ji hɛ mi nyami agbo! Imi ohiatsɛ nɛ i be blɔ nya ko ɔ, nɔ́ nɛ ɔ kle pe mi.”