Samuel I, 18:14 - BAIBLO ALOO NGMAMI KLƆUKLƆU Ɔ

¹⁴ nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Samuel I, 18:14 ပူးပေါင်းရင်းမြစ်များ

Mose I, 39:23

Pamitsɛmɛ ɔmɛ a nɔ hyɛlɔ ɔ pa gba we e he nya hu kaa nɔ́ ko nɛ e to kɛ wo Yosef dɛ mi ɔ, lɛ nitsɛ e ma pa hyɛ nɔ. Ejakaa Yawɛ kɛ Yosef ngɛ, nɛ nɔ́ tsuaa nɔ́ nɛ e peeɔ ɔ, e yeɔ manye.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Yoshua 6:27

Yawɛ piɛ Yoshua he, nɛ e he biɛ kpakpa ngɛ zugba a nɔ tsuo.

Ni Tsumi 18:10

ejakaa i kɛ mo ngɛ. Nɔ ko nɔ ko be nyɛe maa pee mo yayami ko; ejakaa i ngɛ we bi babauu ngɛ ma nɛ ɔ mi.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Samuel I, 10:7

Ke ní nɛ ɔmɛ tsuo ba mi ɔ, nɔ́ tsuaa nɔ́ nɛ Mawu ma de mo ke o pee ɔ, moo pee; ejakaa e kɛ mo ngɛ.

Samuel I, 18:15

Benɛ Saul na bɔ nɛ David ngɛ nɔ yae ha a, e ye lɛ gbeye pe kekle ɔ po.

Matsɛmɛ II, 18:7

Enɛ ɔ he je ɔ, Yawɛ hu piɛ e he, nɛ e yeɔ manye ngɛ nɔ́ tsuaa nɔ́ mi. E tsɔ́ Asiria matsɛ ɔ hɛ mi atuã, nɛ e kua lɛ sɔmɔmi.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

Manyadali 1:19

Yawɛ piɛ Yuda he nɛ a kɛ ngɔ yoku nɔ zugba amɛ. Se ni nɛmɛ nɛ ngɛ kɔ̃ ɔ mi ɔ lɛɛ a nyɛ we nɛ a fie mɛ; ejakaa dade ta zugba lɛhi ngɛ a dɛ.

Samuel I, 3:19

Nɛ́ Samuel ngɛ wae ɔ, Yawɛ kɛ lɛ ngɛ, nɛ nɔ́ tsuaa nɔ́ nɛ Samuel de ɔ, Yawɛ haa e baa mi ja pɛpɛɛpɛ.

Samuel I, 19:8

Se ta te si ekohu, nɛ David ya nɛ e kɛ Filisti bi ɔmɛ ya hwu, nɛ e gbe mɛ basabasa; nɛ Filisti bi ɔmɛ tu fo kɛ je ta a nya.

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Kronika I, 18:6

David to ta buli a hi hehi ngɛ Damasko. Siria bi ɔmɛ ba plɛ pee e sɔmɔli, nɛ a tsuɔ tó kɛ haa lɛ. Yawɛ haa nɛ David yeɔ kunimi ngɛ he tsuaa he.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

Kronika II, 17:3

Yawɛ gbaa Yehoshafat, ejakaa e ya wo e tsɛ nane, nɛ e ba e je mi kaa bɔ nɛ e tsɛ pee ngɛ e nihe be mi ɔ pɛpɛɛpɛ; e ja we Baal.