Samuel I, 18:1 - BAIBLO ALOO NGMAMI KLƆUKLƆU Ɔ

¹ Benɛ Saul kɛ David gbe a ní sɛɛmi ɔ nya a, Saul binyumu Yonatan kɛ David nu huɛ; nɛ Yonatan suɔ David kaa lɛ nitsɛ e he.

Samuel I, 18:1 ပူးပေါင်းရင်းမြစ်များ

Mose I, 44:30

Yuda ya nɔ, nɛ e de ke, “Lɔ ɔ he ɔ, ye nyɔmtsɛ, ke i je niheyo wayo nɛ ɔ he, nɛ i kpale kɛ ho tsaatsɛ ngɔ ya, nɛ tsaatsɛ na kaa i kɛ lɛ bɛ ɔ, e ma gbo. Tsaatsɛ kɛ jokuɛyo nɛ ɔ a klaa mi kpe wawɛɛ nitsɛ, nɛ a suɔ a he saminya. Tsaatsɛ bwɔ kotokoto, nɛ aywilɛho nɛ waa kɛ maa ba e nɔ ɔ, maa gbe lɛ.

Samuel II, 1:26

“Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Kronika I, 12:17

David kɛ mɛ ba kpe, nɛ e de mɛ ke, “Ke nyɛ ba ye ngɔ kaa huɛmɛ nɛ ma ye he piɛmi ɔ, i ngɛ nyɛ baba hee hae kɛ je ye tsui mi. Se ke nyɛ ba nɛ nyɛ ba hyɛ ye sihi he, nɛ lɔ ɔ se nyɛ ya tsɔɔ ye se blɔ ngɔ ha ye he nyɛli, be mi nɛ i pee we yayami ko ɔ, lɛɛ wa nɛmɛ ɔmɛ a Mawu ɔ nɛ hyɛ nɛ e wo nyɛ hiɔ.”

La 86:11

Yawɛ, tsɔɔ mi nɔ́ nɛ o suɔ kaa ma pee, nɛ ma ye mo anɔkuale sisiisi. Ha nɛ ma ngɔ ye he wami tsuo kɛ sɔmɔ mo.

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.

Kolosebi 2:2

I ngɛ enɛ ɔ pee nɛ ma kɛ wo mɛ bua, konɛ suɔmi nɛ ha a pee kake. Kɛkɛ ɔ, a maa nu ní kpakpahi nɛ a mi kuɔ ɔ tsuo a sisi saminya nɛ nɔ jemi be mi, nɛ a maa le Mawu laami sane ɔ. Mawu laami sane ɔ ji Kristo ɔ nɛ.

Manyadali 20:11

Lɔ ɔ he ɔ, Israel nyumu ɔmɛ tsuo a nya sɔ nɛ a te si kɛ wo ma a he.

Samuel I, 14:45

Se ma a de Saul ke, “Anɛ e sa kaa Yonatan nɛ́ ye kunimi nguaa nɛ ɔ kɛ ha Israel ɔ nɛ gbo lo? Dɛbi, e ko ba mi ja! Wa na Yawɛ hɛ kalɔ ɔ kaa Yonatan yi bwɔmi kake po be jee kɛ nɔ zugba; ejakaa ní nɛ e tsu mwɔnɛ ɔ, Mawu nine ngɛ mi.” Nɛ ma a he Yonatan yi wami, nɛ a gbi lɛ.

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel I, 19:1

Saul de e binyumu Yonatan kɛ e tsɔli ɔmɛ kulaa ke a gbe David. Se suɔmi babauu nɛ Yonatan ngɛ kɛ ha David he je ɔ,

Samuel I, 19:2

e ya de David ke, “Tsaatsɛ ngɛ hlae nɛ e gbe mo; lɔ ɔ he ɔ, o hɛ nɛ hi o he nɔ saminya hwɔɔ mɔtu. Ya hla laami he ko nɛ o laa o he ngɛ lejɛ ɔ.

Samuel I, 20:17

Yonatan ha David kpale ka lɛ kita ekohu kaa e suɔ lɛ, ejakaa lɛ, Yonatan ɔ nitsɛ e suɔ David kaa bɔ nɛ e suɔ lɛ nitsɛ e he.

Samuel I, 20:8

Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”

Samuel I, 22:8

loko nyɛ tsuo nyɛ so kɛ wo ye he kikɛ nɛ ɔ? Nɔ ko nɔ ko wo we ye tue nɔ kaa ye binyumu ɔ kɛ David so somi ko. Nɔ ko nɔ ko be nyɛ kpɛti nɛ ye sane dɔɔ lɛ, nɛ e ma wo ye tue nɔ kaa imi nitsɛ ye binyumu ha nɛ ye tsɔlɔ te si wo mi, nɛ mwɔnɛ ɔ, e ngɛ ye he blɔ hlae nɛ e gbe mi.”

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.