Samuel I, 17:8 - BAIBLO ALOO NGMAMI KLƆUKLƆU Ɔ

⁸ Goliat ba da si ngɛ Israel tabo ɔmɛ a hɛ mi, nɛ e kpa huhui ke, “Mɛni he nyɛ gba ta ngɛ? Pi Filisti no ji mi? Nɛ nyɛ hu pi Saul tsɔli ji nyɛ? Nyɛɛ hla nyɛ kpɛti nɔ kake nɛ e kɛ mi ba kpe.

Samuel I, 17:8 ပူးပေါင်းရင်းမြစ်များ

Samuel I, 8:17

E maa ngɔ nyɛ to ɔmɛ a mi dlami nyɔngma mi kake, nɛ nyɛ nitsɛmɛ nyɛ ma plɛ pee e nyɔguɛhi.

Kronika I, 21:3

Yoab de matsɛ ɔ ke, “I ná nɛ Yawɛ ha nɛ ma a hiɛmi ba pee nimli nɛ ngɛ amlɔ nɛ ɔ a yibɔ totoe lafa! Nɛ ke e ba ja a, pi mo nɛnɛ, o tsɔli ji mɛ tsuo lo? Mɛni he je o ngɛ hlae nɛ o pee nɔ́ nɛ ɔ? O li kaa o kɛ haomi maa ba ma a tsuo nɔ lo?”

Samuel II, 11:11

Uria he nɔ ke, “Israel kɛ Yuda tsuo ngɛ ta hwue, nɛ somi daka a ngɛ a ngɔ. Jehanɛ, ye nyɔmtsɛ Yoab kɛ e we asafoatsɛmɛ ɔmɛ hu pueɔ si ngɛ nga a nɔ; nɛ imi lɛɛ ma ya we mi nɛ ma ya ye ní, nɛ ma nu dã, nɛ i kɛ ye yo ya hwɔ si lo? I na o nane kaa i be nɔ́ nɛ ɔ pee!”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:23

Benɛ e kɛ mɛ ngɛ munyu tue ɔ, Filisti bi a tatsɛ kpanaa a nɛ je Gat, nɛ a tsɛɛ lɛ Goliat ɔ hia kpo kɛ ba nɛ e ba tu munyu kaa kekle ɔ. Nɛ David nu nɔ́ nɛ e de ɔ.