Samuel I, 17:52 - BAIBLO ALOO NGMAMI KLƆUKLƆU Ɔ

⁵² Israel kɛ Yuda tabo ɔmɛ hwɔ lele kɛ nyɛɛ Filisti bi ɔmɛ a se kɛ ya si Gat kɛ Ekron agbo ɔ nya tɔɔ. Filisti bi ɔmɛ plaa pue si ngɛ Sharaim blɔ ɔ he hluu kɛ ya si Gat kɛ Ekron tɔɔ.

Samuel I, 17:52 ပူးပေါင်းရင်းမြစ်များ

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.

Samuel II, 23:10

Lɛ nɛ e da si nɛ e kɛ Filisti bi ɔmɛ hwu ta hluu kɛ ya si e kɔni gbo; se kɛ̃ e hɛɛ e klaate ɔ ngɛ e dɛ mi. Yawɛ ye kunimi nguaa jamɛ a ligbi ɔ. Pee se ɔ, Israel bi ɔmɛ kpale kɛ ba he nɛ Eleazar ngɛ ɔ; nɛ a ba ha ní ngɛ ni gbogboe ɔmɛ a he.

Manyadali 7:23

Kɛkɛ nɛ a ya kpee nyumuhi kɛ je Israel wɛtsohi nɛ ji Naftali, Asher, kɛ Manase nɔ́ enyɔ ɔmɛ tsuo a mi kɛ ba; nɛ a wo fo kɛ nyɛɛ Midian bi ɔmɛ a se.

Samuel I, 17:53

Benɛ Israel bi ɔmɛ kpale ngɛ Filisti bi ɔmɛ a se kɛ ba a, a ba ha ní ngɛ Filisti bi ɔmɛ a ta a mi.

Samuel I, 5:8

Lɔ ɔ he ɔ, a tsɛ Filisti matsɛmɛ enuɔ ɔmɛ tsuo kpe, nɛ a bi mɛ ke, “Kɛ wa maa pee Israel Mawu ɔ somi daka a kɛɛ?” A he nɔ ke, “Nyɛɛ ngɔ Israel Mawu ɔ somi daka a kɛ ya Gat.” Nɛ a wo daka a kɛ ho lejɛ ɔ ya.

Samuel I, 5:10

Lɔ ɔ he ɔ, a wo Yawɛ somi daka a kɛ ho Ekron ya. Se benɛ Mawu somi daka a ya su Ekron ɔ, Ekron bi ɔmɛ kpa bubuubui, nɛ a de ke, “A wo Israel Mawu ɔ somi daka a kɛ ba hiɛ ɔ, konɛ e ba gbe wɔ, kɛ wa ma mi bi ɔmɛ tsuo!”

Matsɛmɛ I, 20:21

Matsɛ Ahab nyɛɛ a se nɛ e kpata okpɔngɔ ɔmɛ, kɛ ta zugba lɛ ɔmɛ a hɛ mi, nɛ e pee Siria bi ɔmɛ butuu.