Samuel I, 17:45 - BAIBLO ALOO NGMAMI KLƆUKLƆU Ɔ

⁴⁵ David de Filisti no ɔ ke, “Moo lɛɛ o kɛ klaate, akplɔ, kɛ kɛ̃ɛ̃ ma ye ngɔ; se imi lɛɛ i ma ngɛ Yawɛ Tabohiatsɛ, Israel tabo ɔmɛ a Mawu ɔ nɛ o ngɛ lɛ ahlua bɔe ɔ biɛ mi.

Samuel I, 17:45 ပူးပေါင်းရင်းမြစ်များ

2 Korintobi 10:4

Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

Kronika II, 32:8

Niinɛ, Asiria matsɛ ɔ ngɛ ta buli babauu, se mɛ tsuo pɛpɛɛpɛ ɔ, nimli adesahi kɛkɛ ji mɛ. Wɔɔ lɛɛ Yawɛ, wa Mawu ɔ maa piɛ wa he; lɛ ji nɔ nɛ maa hwu ta amɛ ha wɔ!” Munyu nɛ ɔ nɛ Yuda matsɛ, Hezekia tu ɔ, wo ma a he wami.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 124:8

Yawɛ, hiɔwe kɛ zugba bɔlɔ ɔ ji nɔ nɛ piɛɔ wa he.

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Samuel I, 17:10

Filisti no ɔ ya nɔ nɛ e de ke, “I ngɛ Israel tabo ɔmɛ ahlua bɔe mwɔnɛ ɔ; nyɛ je nɔ ha mi, konɛ i kɛ lɛ waa kpe.”

La 3:8

Yawɛ, mo ji wa yi wami helɔ; moo gbaa o ma a koo!

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

La 44:6

Ejakaa i ngɔɛ ye hɛ kɛ fɔɛ ye kɛ̃ɛ̃ nɔ; klaate be ye yi wami nyɛe ma he.

Yesaya 37:28

“I le o he nɔ́ tsuaa nɔ́, nɔ́ nɛ o peeɔ, he nɛ o yaa, kɛ bɔ nɛ o kɛ mi tuɔ munyu basabasa a.

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:6

E wo akɔblee dama ngɛ e nane hulɔ, nɛ akɔblee tsɛ̃i ngɛ e konɔ.

Kronika II, 14:10

Asa hia nɛ e kɛ lɛ ya kpe, nɛ tabo enyɔ ɔmɛ tsuo ya bua ngɛ Zefata kɔ̃ ɔ mi, ngɛ Maresha kasa nya.

La 20:8

Mɛɛ a ma tɛ nɔ, nɛ a maa nɔɔ si, se wɔɔ lɛɛ wa maa te kɛ da si kɛ he wami.