Samuel I, 17:44 - BAIBLO ALOO NGMAMI KLƆUKLƆU Ɔ

⁴⁴ nɛ e de lɛ ke, “Ba hiɛ ɔ, nɛ ma ngɔ o he lo ɔ ngɔ ha lohwe pɛlitsɛmɛ, kɛ pu mi lohwehi.”

Samuel I, 17:44 ပူးပေါင်းရင်းမြစ်များ

Samuel II, 21:10

Kɛkɛ nɛ Rizpa, Aya biyo ɔ ngɔ kpekpe kɛ pee bo tsu ngɛ tɛ sa a nɔ. Nɛ kɛ je be mi nɛ a bɔni ní kpami kɛ ya si hiɔmi bɔni nɛmi ɔ, e huɔ gbogboe ɔmɛ nyɔ kɛ pia; e ngmɛ́ blɔ nɛ lohwe pɛlitsɛmɛ ba maa a nɔ piani; nɛ nyɔ mi ɔ, e fieɔ lohwe awi yeli kɛ jeɔ a he.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

Kpojemi 19:17

Jehanɛ ɔ, i na bɔfo ko nɛ daa si ngɛ pu ɔ nɔ. E kpa ngmlaa wawɛɛ, nɛ e tsɛ lohwe pɛlitsɛmɛ tsuo nɛ teɔ ngɛ kɔɔhiɔ mi ɔ, nɛ e de mɛ ke, “Nyɛɛ ba nɛ nyɛ ba bua ngɛ Mawu we okplɔɔ nguaa a he!

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,