Samuel I, 17:43 - BAIBLO ALOO NGMAMI KLƆUKLƆU Ɔ

⁴³ E bi David ke, “Anɛ gbe ji mi nɛ o ma ye ngɔ kɛ tso ɔ?” E ya nɔ nɛ e tsɛ wɔ pue David nɔ, nɛ e gbiɛ lɛ,

Samuel I, 17:43 ပူးပေါင်းရင်းမြစ်များ

Mose I, 27:29

Je ma amɛ ma sɔmɔ mo, nɛ nimli adesahi ma kpla si ha mo. O maa ye o nyɛmimɛ ɔmɛ a nɔ, nɛ o nyɛbimɛ ɔmɛ ma kpla si ha mo. Nihi nɛ gbiɛɛ mo ɔ, a maa gbiɛ mɛ; ni nɛmɛ nɛ gbaa mo ɔ, a maa gbaa mɛ.”

Samuel II, 16:5

Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.

Samuel II, 16:9

Kɛkɛ nɛ Abishai nɛ e nyɛ biɛ ji Zeruya a, bi matsɛ ɔ ke, “Ye nyɔmtsɛ matsɛ, mɛni he je nɛ o ngmɛ blɔ nɛ gbe gbogboe nɛ ɔ ngɛ mo gbiɛe kikɛ nɛ ɔ? Ha nɛ ma ya nɛ ma ya po e yi.”

Samuel II, 3:8

Abner muklii mi fu wawɛɛ nitsɛ ngɛ munyu ɔ nɛ Ishboshet bi lɛ ɔ he, nɛ e de ke, “Anɛ e peeɔ mo kaa kuasia ji mi lo? Hyɛ, i kɛ o tsɛ, kɛ e nyɛmimɛ ɔmɛ, kɛ e huɛmɛ ɔmɛ hi si saminya. I je we mo kɛ wui David dɛ mi. Mwɔnɛ nɛ ɔ, moo o ngɛ sane poe kɛ ngɛ ye nɔ fɔe ke i kɛ nɔ ko yo ya na bɔmi!

Samuel II, 9:8

Mefiboshet kpla si ngɛ David hɛ mi ekohu, nɛ e de ke, “Mɛnɔ po ji mi nɛ o naa mi mɔbɔ kaa kikɛ nɛ ɔ? Imi, o tsɔlɔ nɛ i ngɛ kaa gbe gbogboe ɔ!”

Matsɛmɛ I, 20:10

Pee se ɔ, Benhadad kpale tsɔ mɛ Ahab ngɔ ekohu nɛ e ya de lɛ ke, “Ma ngɔ nimli nɛ a he hiɛ babauu pe Samaria tabo zu kɛ ba kpata o ma a hɛ mi. Ke i nyɛ we ma pee nɔ́ nɛ ɔ, lɛɛ mawu ɔmɛ nɛ a fia mi nɔ nɛ a gbe!”

Matsɛmɛ II, 8:13

Hazael bi lɛ ke, “Imi o tsɔlɔ nɛ i ngɛ kaa gbe kɛkɛ ɔ, mɛnɔ ji mi nɛ ma tsu nɔ́ nguaa kaa kikɛ nɛ ɔ?” Elisha he nɔ ke, “Yawɛ lɛ je tsɔɔ mi kaa mo lɛ o ma ba ye tsɛ ngɛ Siria ma a nɔ.”

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

Mose IV, 22:6

Lɔ ɔ he ɔ, i kpa mo pɛɛ, ba nɛ o ba gbiɛ ma nɛ ɔ ha wɔ kaa, alini wa maa ye a nɔ, nɛ wa maa fie mɛ kɛ je zugba a nɔ lo; ejakaa a hiɛ pe wɔ. I le kaa ke o gbaa nɔ ko ɔ, kɛkɛ a gbaa lɛ; nɛ ke o gbiɛ nɔ ko ɔ, kɛkɛ a gbiɛ lɛ.”

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.

Samuel I, 14:12

Jehanɛ, a de Yonatan kɛ e ta hwumi ní hɛɛlɔ ɔ ke, “Nyɛɛ kuɔ kɛ ba wa ngɔ; wa ngɛ nɔ́ ko nɛ wa ma de nyɛ.” Yonatan de e ta hwumi ní hɛɛlɔ ɔ ke, “Moo kuɔ kɛ nyɛɛ ye se, ejakaa Yawɛ ngɔ mɛ kɛ wo Israel dɛ mi.”

Samuel I, 24:14

Mɛni se lɛ Israel matsɛ nyɛɛ nɛ ɔ? Mɛni o ngɛ fiee? Gbe gbogboe, aloo malɛɛ?

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”