Samuel I, 17:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ tatsɛ kpanaa ko je Filisti bi ɔmɛ a ta a mi kɛ ba. A tsɛɛ lɛ Goliat; e je Gat, nɛ e kami ji nine mi blimi nyɔngma kɛ etɛ.

Samuel I, 17:4 ပူးပေါင်းရင်းမြစ်များ

Kronika I, 11:23

Benaya nɛ ɔ nɔuu gbe Egipt no oblai ko. Egipt no ɔ hɛɛ akplɔ nɛ ngɛ kaa bo lolɔ gba tso ngɛ e dɛ mi, se Benaya ho nɛ e ya na lɛ kɛ e dɛma tso kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e we akplɔ ɔ kɛ gbe lɛ.

Amos 2:9

Yawɛ ya nɔ nɛ e de ke, “Nɛ, nyɛ ye ma! Nyɛ he ɔ, i kpata nyɛ he nyɛli nɛ ji Amor bi ɔmɛ a hɛ mi pɛsɛpɛsɛ. Nimli nɛ ɔmɛ ka gagaaga kaa seda tsohi, nɛ a he wa kaa tso nguahi.

Mose V, 3:11

Bashan matsɛ, Og pɛ ji oblaihi nɛ a tsɛɛ mɛ Refaim ɔ a ti nɔ nɛ piɛ. E dade sa tso ngɛ Amon bi ɔmɛ a ma nɛ a tsɛɔ Raba a kɛ mwɔɔ. Sa tso ɔ kami ji gugue enyɔ kɛ nine mi blimi enyɔ, nɛ e blimi ji gugue kake kaa bɔ nɛ níhi a susumi mlaa a ngɛ ɔ.

Yoshua 11:22

Anak bi ɔmɛ a ti nɔ kake po píɛ ngɛ Israel bi ɔmɛ a zugba a nɔ; ja Gaza, Gat, kɛ Ashdod pɛ nɛ ni komɛ ngɛ.

Samuel I, 17:23

Benɛ e kɛ mɛ ngɛ munyu tue ɔ, Filisti bi a tatsɛ kpanaa a nɛ je Gat, nɛ a tsɛɛ lɛ Goliat ɔ hia kpo kɛ ba nɛ e ba tu munyu kaa kekle ɔ. Nɛ David nu nɔ́ nɛ e de ɔ.

Samuel I, 17:3

Filisti bi ɔmɛ wo zã ngɛ yoku kake nɔ, nɛ Israel bi ɔmɛ hu wo zã ngɛ yoku kake nɔ; nɛ kɔ̃ ngɛ a kpɛti.

Samuel I, 17:5

E bu akɔblee pɛɛ, nɛ e wo akɔblee dama nɛ jiimi ji kilo nyingmi enuɔ kɛ kpaago.

Samuel I, 27:4

Benɛ a ya bɔ Saul ke David tu fo kɛ ho Gat ya a, e jɔɔ e se nyɛɛmi.