Samuel I, 17:37 - BAIBLO ALOO NGMAMI KLƆUKLƆU Ɔ

³⁷ David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

Samuel I, 17:37 ပူးပေါင်းရင်းမြစ်များ

La 63:7

Be tsuaa be ɔ, mo nɔuu lɛ o piɛɔ ye he; lɔ ɔ he ɔ, ma la kɛ bua jɔmi ngɛ hɔ̃ mi ngɛ o pɛli ɔmɛ a sisi.

Kronika I, 22:11

David ya nɔ, nɛ e de ke, “Lɔ ɔ he ɔ, ye bi, Yawɛ, o Mawu ɔ kɛ mo nɛ hi si. Yawɛ, o Mawu ɔ nɛ ye e si womi ɔ nɔ, konɛ o nyɛ nɛ o po we ha lɛ.

Samuel I, 20:13

Se ke tsaatsɛ to kaa e maa pee mo yayami, nɛ i wo we o tue nɔ nɛ ma wo mo blɔ nɛ ó ya ngɛ he jɔmi mi ɔ, lɛɛ Yawɛ kɛ imi, Yonatan nɛ e ye sisiisi. Yawɛ kɛ mo nɛ e hi si kaa bɔ nɛ e kɛ tsaatsɛ hi si ɔ.

Samuel I, 7:12

Kɛkɛ nɛ Samuel ngɔ tɛ kɛ ma Mizpa kɛ Shen a kpɛti, nɛ e wo lejɛ ɔ biɛ Ebenezer; nɛ e de ke, “Hiɛmɛ nɛ ɔ Yawɛ ye bua wɔ kɛ ba si.”

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

Kronika I, 22:16

sika tsu, sika hiɔ, akɔblee, kɛ dade a he ní. Lɔ ɔ he ɔ, moo hyɛ nɛ o je ní tsumi ɔ sisi; nɛ Yawɛ nɛ piɛ o he.”

Samuel II, 10:12

Moo pee kã, nɛ o ha nɛ waa da si kaa nyumuhi kɛ ha wa nyɛmimɛ ɔmɛ, kɛ wa Mawu ɔ ma amɛ. Nɔ́ nɛ sa Yawɛ hɛ mi ɔ, e pee.”

La 77:11

Se kɛ̃, Yawɛ, i kai níhi nɛ o tsu blema a; ee, i kai nyakpɛ ní nguahi nɛ o pee ɔ.

Samuel I, 26:25

Saul de David ke, “Mawu nɛ e gbaa mo, ye bi David! O maa ye manye ngɛ nɔ́ tsuaa nɔ́ mi.” Kɛkɛ nɛ David je lejɛ ɔ, nɛ Saul hu kpale e se kɛ ho we mi ya.

Samuel I, 24:19

Ke nɔ ko nine su e he nyɛlɔ nɔ ɔ, anɛ e ngmɛɛɔ e he nɛ e yaa slɔkee lo? Yawɛ nɛ e gbaa mo ngɛ nɔ́ nɛ o pee ha mi mwɔnɛ ɔ he.

La 11:1

I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 17:38

Saul ngɔ lɛ nitsɛ e ta hwumi ní ɔmɛ ngɔ ha David; e bu lɛ akɔblee pɛɛ, nɛ e wo lɛ dama.

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Yoshua 1:17

Bɔ nɛ wa bu Mose tue ngɛ nɔ́ tsuaa nɔ́ mi ɔ, jã kɛ̃ wa maa bu mo hu tue. Yawɛ, o Mawu ɔ kɛ mo nɛ hi si kaa bɔ nɛ e kɛ Mose hi si ɔ.

Rut Womi 2:4

Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.