Samuel I, 17:34 - BAIBLO ALOO NGMAMI KLƆUKLƆU Ɔ

³⁴ Se David de Saul ke, “I hyɛɛ tsaatsɛ tohi; nɛ ke e ba mi kaa jata, loo osisiblisi ko ba nu to bi ko ngɛ to ɔmɛ a kpɛti ɔ,

Samuel I, 17:34 ပူးပေါင်းရင်းမြစ်များ

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

Manyadali 14:6

Si kake too ɔ, Yawɛ mumi ɔ ba e nɔ; nɛ e kɛ e nine gu tsɔtslɔɔ jata a mi kaa a tsɔtslɔɔ apletsi bɔbɔyoo mi. Se e de we e tsɛ kɛ e nyɛ nɔ́ nɛ e pee ɔ.

Samuel I, 17:33

Se Saul de lɛ ke, “Dɛbi, o be Filisti no nɛ ɔ nyɛe, ejakaa niheyo kɛkɛ ji mo; lɛɛ ta hwulɔ ji lɛ kɛ je e nihe mi.”

Samuel I, 17:35

i nyɛɛɔ e se nɛ i ya fiaa lɛ nɔ, nɛ i jeɔ to bi ɔ ngɛ e nya mi. Ke e plɛ kɛ wo mi ɔ, i nuɔ e tsitsa nɛ i fiaa lɛ nɔ́ kɛ ya siɔ e gboɔ.

Amos 3:12

Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”

Mose I, 31:39

Ke lohwe awi yeli ba tsɔtslɔɔ jijɔ ko mi ɔ, hiɔ ɔ peeɔ ye nɔ́ nɛ i woɔ; i kɛ lohwe gbogboe ko ba tsɔɔ we mo hyɛ. Ke a ju nɔ́ ko, piani jio, nyɔ mi jio, o haa nɛ i woɔ mo hiɔ sisiisi.

Samuel I, 17:15

Se David lɛɛ ke e sɔmɔ Saul bɔɔ kɛkɛ e je kɛ ho Betlehem ya ya hyɛ e tsɛ to ɔmɛ hu bɔɔ.

Samuel II, 17:8

Hushai ya nɔ nɛ e de ke, “Mo nitsɛ o le kaa o tsɛ kɛ e we bi ɔmɛ ɔ, katsɛmɛ ji mɛ, nɛ a hɛ mi pee klamaklama kaa osisiblisi nɛ nɔ ko ya muɔ e bimɛ ngɛ nga nɔ. Jehanɛ se hu, o tsɛ ɔ, ta bulɔ kpanaa ji lɛ; e hí e we bi a kpɛti nyɔ mi.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Kronika I, 11:22

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e pee ní nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ. Jehanɛ hu, ligbi ko benɛ snoo ngɛ nɛe ɔ, e ya sɛ muɔ ko mi nɛ e gbe jata ngɛ lejɛ ɔ.

La 143:5

I kaii sa blema a, nɛ i susuɔ níhi tsuo nɛ o tsu ɔ a he; i susuɔ níhi nɛ o pee ɔ a he.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Zakaria 9:7

Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.

Zakaria 11:16

Ejakaa i ngɛ to hyɛlɔ ko tsɔe kɛ ma zugba a nɔ. Tohi nɛ a hɛ mi miɔ nɛ e kpata a, a nɔ́ pee we lɛ kɔmɔ. Ní nɛmɛ nɛ laa a, e be a se blɔ hlae. Hiɔtsɛmɛ ɔmɛ hu e be mɛ tsae; nɛ ní nɛmɛ nɛ ngɛ he wami ɔ hu, e be mɛ ní hae; mohu ɔ, e maa ye ní nɛmɛ nɛ wo zɔ ɔ, nɛ e ma kpɔ a nane kokloto tete.

Luka 2:8

To hyɛli komɛ ngɛ a tohi a he bue nyɔ mi ngɛ nga a nɔ ngɛ lejɛ ɔ ní ɔmɛ a mi nɔuu.

Yohane 10:11

“Imi ji to hyɛlɔ kpakpa a nɛ. I suɔ kaa ma gbo ngɛ to ɔmɛ a he.

Romabi 5:4

nɛ tsui si tomi haa nɛ wa peeɔ Mawu suɔmi nya ní. Nɛ ke wa ngɛ Mawu suɔmi nya ní pee ɔ, e haa waa kɛ wa hɛ fɔɔ Mawu nɔ Kulaa.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.