Samuel I, 17:12 - BAIBLO ALOO NGMAMI KLƆUKLƆU Ɔ

¹² Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 17:12 ပူးပေါင်းရင်းမြစ်များ

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Samuel I, 17:58

Saul bi lɛ ke, “Niheyo, mɛnɔ bi ji mo?” Nɛ David ha heto ke, “O tsɔlɔ Ishai, Betlehem no ɔ bi ji mi.”

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mateo 1:6

Ishai fɔ Matsɛ David, nɛ Matsɛ David kɛ Uria yo ɔ fɔ Salomo.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Mateo 2:1

Benɛ a fɔ Yesu ngɛ Betlehem nɛ ngɛ Yudea, ngɛ Matsɛ Herode yi nɔ ɔ, ní leli komɛ je beleku kɛ ba Yerusalem ba bi ke,

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

La 132:6

Wa nu somi daka a he ngɛ Betlehem, nɛ wa ya na ngɛ Yearim ngmɔ ɔmɛ a mi.

Samuel I, 17:11

Benɛ Saul kɛ Israel tsuo nu munyuhi nɛ Filisti no ɔ ngɛ tue ɔ, a ye gbeye wawɛɛ nitsɛ.

Rut Womi 4:17

Nɛ huza a nɔ yi ɔmɛ de ke, “Jehanɛ lɛɛ Naomi na binyumu.” A wo jokuɛyo ɔ biɛ ke Obed. Pee se ɔ, Obed fɔ binyumu, nɛ a wo lɛ biɛ ke Ishai. Ishai nɛ ɔ ji David tsɛ.

Samuel I, 1:1

Nyumu ko hi Rama, ngɛ Efraim yo ɔmɛ a nɔ. E je Efraim wɛtso ɔ mi, nɛ e biɛ ji Elkana. E tsɛ biɛ ji Yeroham; e nɛ̃ ji Elihu; e nɛnɛkasowa ji Tohu, nɛ Tohu tsɛ ji Zuf.

Samuel II, 23:1

Ishai binyumu David, nɔmlɔ nɛ Mawu wó e nɔ gojoo, nɛ Yakob Mawu ɔ pɔ lɛ nu; nɔ nɛ po la ngɔngɔɛhi kɛ ha Israel ɔ, e nyagbe munyuhi ji nɛ ɔmɛ nɛ.