Samuel I, 17:11 - BAIBLO ALOO NGMAMI KLƆUKLƆU Ɔ

¹¹ Benɛ Saul kɛ Israel tsuo nu munyuhi nɛ Filisti no ɔ ngɛ tue ɔ, a ye gbeye wawɛɛ nitsɛ.

Samuel I, 17:11 ပူးပေါင်းရင်းမြစ်များ

La 118:6

Nɛ Yawɛ kɛ mi ngɛ nɛ ɔ, i yi gbeye; mɛni adesa ma nyɛ maa pee mi.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

Yesaya 57:11

Yawɛ ke, “Mɛnɔ gbeye nyɛ ya ye, loko nyɛ ye lakpa, nɛ nyɛ hɛ je ye nɔ pɛsɛɛ kikɛ nɛ ɔ? Akɛnɛ i pee dii kɛ je blema lokoo he je ɔ, nyɛ bui mi, nɛ nyɛ yi mi gbeye hulɔ, pi jã?

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Samuel I, 13:7

ni komɛ hu po Yordan pa a kɛ ho Gad kɛ Gilead zugba amɛ a nɔ ya. Se Saul lɛɛ e ngɛ Gilgal jamɛ a be ɔ kɛ mwɔɔ, nɛ sawale nu nihi nɛ nyɛɛ e se ɔ tsuo.

Samuel I, 17:10

Filisti no ɔ ya nɔ nɛ e de ke, “I ngɛ Israel tabo ɔmɛ ahlua bɔe mwɔnɛ ɔ; nyɛ je nɔ ha mi, konɛ i kɛ lɛ waa kpe.”

Samuel I, 17:12

Efraim no ɔ nɛ a tsɛɛ lɛ Ishai ɔ binyumu ji David. E je Betlehem ngɛ Yuda. Ishai ngɛ binyumuhi kpaanyɔ; nɛ benɛ Saul ngɛ matsɛ yee ɔ, lɛɛ e bwɔ momo.

Samuel I, 21:13

Lɔ ɔ he ɔ, e tsake e ní peepee, nɛ e buá pee e he godotsɛ ngɛ a kpɛti. E maa ngma ní ngɛ matsɛ we agbo ɔmɛ a he, nɛ e maa la lada kɛ kpa e kpɛni he kpɔtɔɔ.

Samuel I, 7:7

Filisti bi ɔmɛ nu kaa Israel bi ɔmɛ ya bua a he nya ngɛ Mizpa, nɛ Filisti matsɛmɛ enuɔ ɔmɛ hia konɛ a ya tua mɛ ngɛ lejɛ ɔ. Benɛ Israel bi ɔmɛ nu he ɔ, a ye gbeye,