7 Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”
Yesu de mɛ ke, “Nyɛ peeɔ nyɛ he nimli kpakpahi ngɛ nimli a hɛ mi, se Mawu lɛɛ e le nyɛ tsui mi. Ejakaa níhi nɛ adesa buu kaa a he jua wa a, Mawu hɛ mi lɛɛ a pi nɔ́ ko kulaa.
Se mohu, bɔ nɛ nyɛ ngɛ ha ngɛ nyɛ tsui mi ɔ, lɔ ɔ maa tsɔɔ nyɛ he fɛu ɔ nitsɛnitsɛ. Nɔmlɔ nɛ he jɔ, nɛ e ngɛ kpoo ɔ, e he fɛu nɛ tsakee we ɔ ji nɔ́ nɛ he jua wa saminya ngɛ Mawu hɛ mi.
Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.
moo nu a pɛɛ kpami ɔ. Moo bu mɛ tue ngɛ o hi he ɔ ngɛ hiɔwe; ngɔɔ a he yayami ɔmɛ ngɔ pa mɛ, nɛ o ye kɛ bua mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,
Se mo, Yawɛ Tabohiatsɛ! Moo lɛɛ o hyɛɛ nimli a tsui mi kɛ a juɛmi mi; o le nihi nɛ peeɔ nɔ́ nɛ da. I tu ye sane ɔ kɛ wo o dɛ, lɔ ɔ he ɔ, gbla ye he nyɛli ɔmɛ a tue ha mi nɛ ma na kɛ ye hɛngmɛ.
Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.
Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”
Nyɛ juɛmi mi kuɔ we kulaa! Anɛ nɔ ko ngɛ hiɛ ɔ nɛ heɔ e he yeɔ kaa Kristo nɔ́ ji lɛ lo? Saminya! Jamɛ a nɔ ɔ nɛ susu e yi mi ekohu; ejakaa wɔ hu Kristo níhi ji wɔ kaa lɛ nɔuu.
moo nu a kue fami ɔ. Bu mɛ tue ngɛ o hi he ɔ ngɛ hiɔwe, nɛ o ngɔ a he yayami ɔmɛ ngɔ pa mɛ. Mo pɛ lɛ o le nɔmlɔ adesa tsui mi. Moo pee nɔ tsuaa nɔ hiami ní ha lɛ,