Samuel I, 16:6 - BAIBLO ALOO NGMAMI KLƆUKLƆU Ɔ

⁶ Benɛ a ya su lejɛ ɔ, Samuel na Eliab, nɛ e de ngɛ e yi mi ke, “Niinɛ, nɔ nɛ Yawɛ hla a nɛ daa si ngɛ Yawɛ hɛ mi ɔ nɛ.”

Samuel I, 16:6 ပူးပေါင်းရင်းမြစ်များ

Matsɛmɛ I, 12:26

Yeroboam de ngɛ e yi mi ke, “Bɔ nɛ níhi ngɛ nɛ ɔ, ke e ba mi kaa ma nɛ ɔ ho ya sã bɔ ngɛ Yawɛ we ɔ mi ngɛ Yerusalem ɔ, a yi mi ma plɛ; a maa kpale ya sɔmɔ a nyɔmtsɛ nɛ ji Yuda matsɛ, Rehoboam ekohu, nɛ a maa gbe mi.”

Matsɛmɛ I, 4:11

Benabinadab nɛ ngɔ Salomo biyo nɛ a tsɛɛ Tafat ɔ, e nɔ́ mi ji Dor tsuo.

Kronika I, 2:13

Ishai ngɛ binyumuhi kpaago. A biɛhi ngɛ a wami nya ji Eliab, Abinadab, Shama, Netanel, Radai, Ozem, kɛ David.

Kronika I, 28:4

Yawɛ, Israel Mawu ɔ hla imi, kɛ ye nina kaa waa ye Israel nɔ matsɛ kɛ ya neneene. Yawɛ hla Yuda wɛtso ɔ, nɛ e pee mɛ hɛ mi nyɛɛli. Jehanɛ, e hla tsaatsɛ we ɔ, nɛ ngɛ tsaatsɛ bimɛ ɔmɛ a kpɛti ɔ, e ná ye he bua jɔmi, nɛ e wo mi Israel tsuo nɔ matsɛ.

Kronika II, 11:18

Rehoboam ngɔ Mahalat. Yo nɛ ɔ tsɛ ji David binyumu Yerimot, nɛ e nyɛ ji Eliab biyo Abihail, Ishai bibi ɔ.

La 84:9

Mawu, wa kpa mo pɛɛ nɛ o gbaa wa matsɛ ɔ, nɔ nɛ mo nitsɛ o pɔ lɛ nu ɔ.

Manyadali 8:18

Lɔ ɔ se ɔ, Gideon bi Zeba kɛ Zalmuna ke, “Nyumu ɔmɛ nɛ nyɛ gbe ngɛ Tabor ɔ, kɛ a ngɛ kɛɛ?” A ha lɛ heto ke, “A ngɛ kaa mo; mɛ tsuo pɛpɛɛpɛ a ngɛ kaa matsɛbimɛ.”

Samuel I, 17:13

Ishai binyumu nikɔtɔma etɛ ɔmɛ kɛ Saul ho ta ya. Kekleekle bi ɔ biɛ ji Eliab, enyɔne ɔ biɛ ji Abinadab, nɛ nɔ etɛne ɔ biɛ ji Shama.

Samuel I, 17:22

David si ní ɔmɛ ha tlomi nɔ hyɛlɔ ɔ, nɛ e gbɔ fo kɛ ho ta a nya ya ya fɔ e nyɛmimɛ ɔmɛ, nɛ́ e kɛ hyɛ a hwɔhwɔɛ.