Samuel I, 16:5 - BAIBLO ALOO NGMAMI KLƆUKLƆU Ɔ

⁵ E he nɔ ke, “Ee, i ba nɛ ma ba sã bɔ ha Yawɛ. Nyɛɛ tsukɔ nyɛ he nɛ waa ho bɔ sami he ɔ ya.” E tsukɔ Ishai kɛ e binyumu ɔmɛ a he, nɛ e kpee mɛ hu kɛ ya bɔ sami he ɔ.

Samuel I, 16:5 ပူးပေါင်းရင်းမြစ်များ

Yoshua 3:5

Yoshua de ma a ke, “Nyɛɛ tsukɔ nyɛ he; ejakaa hwɔɔ ɔ, Yawɛ maa pee nyakpɛ níhi ngɛ nyɛ kpɛti.”

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

Yoel 2:16

Nyɛ bua ma a nya; nyɛ ha nɛ a ba pee kpe klɔuklɔu. Nyɛɛ kpee nikɔtɔma amɛ kɛ ba; nyɛ bua jokuɛwi kɛ bimwɔwi ɔmɛ tsuo a nya. Ayɛflo kɛ e huno po, a je kpo ngɛ a tsu mi kɛ ba.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

Mose IV, 11:8

Ke ni ɔmɛ ya bua mana nya kikɛ nɛ ɔ, a wɛɛɔ ngɛ wɛ nɔ, aloo a gbeeɔ ngɛ fufui tso mi. Lɔ ɔ se ɔ, a hooɔ ngɛ buɛ mi, nɛ a kɛ peeɔ keeki; e ngɔɔ kaa keeki nɛ a ngɔ nu kɛ sã.

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Samuel I, 20:26

Saul de we nɔ́ ko jamɛ a ligbi ɔ, ejakaa e de ngɛ e yi mi ke, “Be nɛ ɔ mi matahu ko ya po lɛ, nɛ e he tsɔ we.”

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Matsɛmɛ I, 2:13

Ligbi ko ɔ, Adoniya nɛ a tsɛɛ e nyɛ ke Hagit ɔ, ba Salomo nyɛ Batsheba ngɔ. Batsheba bi lɛ ke, “O ba kɛ tue mi jɔmi lo?” E he nɔ ke, “Ee!

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.