Samuel I, 16:4 - BAIBLO ALOO NGMAMI KLƆUKLƆU Ɔ

⁴ Samuel pee kaa bɔ nɛ Yawɛ de lɛ ɔ. E ya Betlehem, nɛ ma nimeli ɔmɛ kɛ lɛ ba kpe kɛ he domi, nɛ a bi ke, “O ba ngɛ tue mi jɔmi mi lo?”

Samuel I, 16:4 ပူးပေါင်းရင်းမြစ်များ

Mose I, 35:19

Benɛ Rahel gbo ɔ, a pu lɛ ngɛ blɔ nɛ yaa Efrat ɔ he. Amlɔ nɛ ɔ lɛɛ a tsɛɛ Efrat ma a ke Betlehem.

Mose I, 48:7

I ngɛ nɔ́ nɛ ɔ pee ngɛ o nyɛ Rahel he. Benɛ i je Mesopotamia kɛ ma a, Rahel gbo fɔ ye nɔ ngɛ blɔ ɔ nɔ, ngɛ Kanaan zugba a nɔ, benɛ e piɛ bɔɔ nɛ ma su Efrat ɔ. I pu lɛ ngɛ lejɛ ɔ, ngɛ Efrat blɔ ɔ nɔ.” (Amlɔ nɛ ɔ, a tsɛɛ Efrat ke Betlehem.)

Samuel II, 6:9

David ye Yawɛ gbeye jamɛ a ligbi ɔ, nɛ e bi ke, “Lɛɛ kɛ ma pee kɛ ngɔ somi daka a kɛ ya we mi kɛɛ?”

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Matsɛmɛ I, 2:13

Ligbi ko ɔ, Adoniya nɛ a tsɛɛ e nyɛ ke Hagit ɔ, ba Salomo nyɛ Batsheba ngɔ. Batsheba bi lɛ ke, “O ba kɛ tue mi jɔmi lo?” E he nɔ ke, “Ee!

Matsɛmɛ II, 9:22

Benɛ Yoram na Yehu ɔ, e bi lɛ ke, “Yehu, o ba kɛ tue mi jɔmi lo?” Yehu he nɔ ke, “Tue mi jɔmi? Yayami babauu nɛ o nyɛ Yezebel pee, nyuami kɛ amaga jami nɛ ɔmɛ a se ɔ, mɛni tue mi jɔmi ma pa hi si?”

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Hosea 6:5

Enɛ ɔ he je nɛ i tsɔ ye gbali ɔmɛ nɛ a ba bɔ nyɛ kɔkɔ kaa ma gbla nyɛ tue ɔ nɛ. I ke a maa gbla nyɛ tue kaa bɔ nɛ oslabai gbaa a.

Luka 2:4

Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Luka 8:37

Kɛkɛ nɛ ni ɔmɛ tsuo nɛ je jamɛ a zugba a nɔ ɔ, ba kpa Yesu pɛɛ ke e je a ngɔ nɛ e ho, ejakaa a ye gbeye wawɛɛ. Nɛ e ya sɛ lɛ ɔ mi, nɛ e kpale e se.

Samuel I, 21:1

David ba Nob ngɛ osɔfo Ahimelek ngɔ. Ahimelek kɛ he domi ba kpee David, nɛ e bi lɛ ke, “Mɛni he je nɛ mo nɔ kake too o nyɛɛ, nɛ nɔ ko nɔ ko piɛ we o he ɔ?”