Samuel I, 16:2 - BAIBLO ALOO NGMAMI KLƆUKLƆU Ɔ

² Se Samuel de ke, “Kɛ ma plɛ kɛ ya kɛɛ? Ke Saul nu he ɔ, e maa gbe mi.” Yawɛ ha heto ke, “Moo hɛɛ na bi kɛ to dɛ, nɛ o de ke, ‘I ba nɛ ma ba sã bɔ ha Yawɛ.’

Samuel I, 16:2 ပူးပေါင်းရင်းမြစ်များ

Mose II, 3:11

Se Mose bi Mawu ke, “Mɛnɔ ji mi, nɛ ma ya Farao ɔ ngɔ, nɛ ma ya je Israel bi ɔmɛ kɛ je Egipt ɔ?”

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Luka 1:34

Maria de bɔfo ɔ ke, “I li nyumu. Lɛ kɛ maa pee kɛɛ nɛ enɛ ɔ maa ba mi?”

Samuel I, 16:3

Moo kpee Ishai kɛ ba bɔ sami ɔ, nɛ ma tsɔɔ mo nɔ́ nɛ o pee. O maa pɔ nɔmlɔ nɛ ma tsɔɔ mo ɔ nu, nɛ o wo lɛ matsɛ ha mi.”

Samuel I, 20:29

E ke, ‘I kpa mo pɛɛ nɛ o ha ma ya, ejakaa wa weku ɔ ngɛ bɔ sãe ngɛ ma a mi, nɛ ye nyɛminyumu ɔmɛ sɛ ba de mi ke ma ba dãã. Lɔ ɔ he ɔ, ke o suɔ mi ɔ, ha ma ya nɛ ma ya na ye nyɛmimɛ ɔmɛ.’ Nɔ́ nɛ he je nɛ e bɛ matsɛ ɔ okplɔɔ he ɔ ji nɛ ɔ nɛ.”

Samuel I, 9:12

Yiwi ɔmɛ he nɔ ke, “Ee, e ngɛ; lɛ nɛ e ngɛ nyɛ hɛ mi kɛ yaa a nɛ. Nyɛɛ nyɛɛ esɔesɔ; ke nyɛ sɛ ma a mi pɛ nyɛ maa na lɛ. Piɔ pɛ nɛ e ba ma a mi, ejakaa ni ɔmɛ ba konɛ a ba sã bɔ ngɛ jami he ɔ; nɛ ja e su lejɛ ɔ nɛ e gbaa bɔ ɔ nɔ loko ni nɛmɛ nɛ a kpee ɔ maa ye ní ɔ. Ke nyɛ he sɔ ɔ, nyɛ ma ya ná lɛ loko e maa ya jami he ɔ nɛ e ya ye ní ngɛ lejɛ ɔ.”