Samuel I, 16:16 - BAIBLO ALOO NGMAMI KLƆUKLƆU Ɔ

¹⁶ Wa nyɔmtsɛ, mo fa wɔ, o tsɔli ɔmɛ mɔ, nɛ wa ya hla nɔ ko nɛ le saku fiami saminya kɛ ba, konɛ ke Mawu ha mumi yayami ɔ ba o nɔ ɔ, nɛ e fia saku ɔ, nɛ o na he wami ekohu.”

Samuel I, 16:16 ပူးပေါင်းရင်းမြစ်များ

Matsɛmɛ I, 10:8

O yi ɔmɛ a he ba ní pɛ! O tsɔli ɔmɛ nɛ sɔmɔɔ mo daa, nɛ a nuɔ o nile munyu ɔmɛ ɔ, mɛ hu a he ba ní pɛ!

Matsɛmɛ II, 3:15

Se kɛ̃ nyɛ hla saku fialɔ ko ha mi.” Benɛ saku fialɔ ɔ ngɛ e saku ɔ fiae ɔ, Yawɛ he wami ɔ ba Elisha nɔ,

Samuel I, 10:5

Lɔ ɔ se ɔ, nyɛ maa ya Mawu yo ɔ nɔ ngɛ Gibea, he nɛ Filisti bi ɔmɛ a ta a pueɔ si ngɛ ɔ. Nyɛ ma a mi sɛmi pɛ nyɛɛ kɛ gbali a kuu ko maa kpe nɛ a kple si kɛ je yoku ɔ nɔ kɛ ma kɛ a dɛ mi kpa saku, miɛ, kɛ bɛ. Nyɛ maa na kaa a ngɛ doe, nɛ a ngɛ huhui kpae.

Samuel I, 16:14

Jehanɛ Yawɛ mumi ɔ je Saul nɔ, nɛ Yawɛ ha mumi yayami ko ba hao lɛ.

Samuel I, 16:15

Lɔ ɔ he ɔ, Saul tsɔli ɔmɛ de lɛ ke, “Wa kpa mo pɛɛ, mumi yayami ko lɛ Mawu kɛ ngɛ mo haoe nɛ ɔ nɛ.

Samuel I, 16:17

Saul de e tsɔli ɔmɛ ke, “Nyɛɛ ya nɛ nyɛ ya hla nɔ ko nɛ le saku fiami saminya, nɛ nyɛɛ ngɔ lɛ kɛ ba ye ngɔ.”

Samuel I, 18:10

E nɔ jena a, mumi yayami ko nɛ je Mawu ngɔ ba Saul nɔ, nɛ e bɔni munyu tumi basabasa ngɛ e we ɔ mi kaa godotsɛ. Jamɛ a be ɔ, David ngɛ kpa saku ɔ fiae kaa bɔ nɛ e peeɔ daa ligbi ɔ. Saul hɛɛ e we akplɔ ɔ ngɛ e dɛ mi,

Samuel I, 19:9

Ligbi ko ɔ, mumi yayami ko nɛ je Yawɛ ngɔ ba Saul nɔ. Jamɛ a be ɔ, e hii si ngɛ e we ɔ mi, nɛ e hɛɛ akplɔ ngɛ e dɛ mi, nɛ David hu ngɛ kpa saku fiae.